[FACE 364] deep V香香 古仔唔通電 香香,古天樂,古仔,岑麗香,MF,

鬼妹仔香香慣性電眼甜笑望對手，仲音歪歪話想古仔送「小鞋子」，古仔由始至終目不斜視。

FBI

deep V香香　古仔唔通電

大台作風出手低、捱到病就聽得多， FBI懷疑呢期俾人話得多，大台真係開始轉性，唔係點會一個二個花旦都可以養得肥肥白白呢？繼苟姑娘後、今次又輪到岑麗香，最近佢明顯脹咗，仲多咗個雙下巴，真係咁好食好住？

不過咁，發咗小小福，香香公主嘅靚樣同電力都仲喺度，一樣係品牌至愛。上星期被鞋店請去做嘉賓，仲有男神古仔親自揸法拉利接載，呢啲咪靚女專利囉。鬼妹仔香香夠電力，仲要難得著 deep V，難為 FBI企足全場，都捕唔到一張古仔直視香香、或者欣賞香香身材嘅相。做咗咁多年鑽石王老五，完全唔俾緋聞有機可乘， 43歲古仔呢啲至係老薑！

啱啱返鄉下加拿大放完長假，香香返港即刻發咗少少福，身材當然仲勁咗啦。

肥咗少少好彩都仲係品牌寵兒，香香出席鞋店活動，隆重其事由古仔揸超跑接到場。

鍾意就快D Share啦！

下一篇 》