2014年5月14日 星期三

[FACE 364] 衰多手 網友圍插影死貓 模 Yumi:真係好蠢! MF,




1個月大新貓

上週 Yumi和 Ivy在家中接受本刊訪問時不斷自責, Yumi講到眼濕濕,貓主 Ivy更爆喊說:「點解,你要離開我,做乜要離開媽咪……」堅係傷心。

真面目

衰多手 網友圍插影死貓 模 Yumi:真係好蠢!

𡃁模 Yumi(尹秦睎)養狗又養貓,但上週日( 4日)不幸發生 9個月大英國短毛貓 Dundee由 68樓飛墮落街慘劇,養貓開大個窗已經俾人插,最弊係 Yumi竟然將貓屍照放上微博,疏忽兼疑似借死貓宣傳罪加一等!

Yumi識吸取教訓,家中仍育有一貓 2狗的她,即刻約埋同居姊妹𡃁模 Ivy(周曉彤),一齊到百貨公司買鐵欄,而 Yumi更怨自己疏忽害死貓,連說多次:「我真係好後悔!」



其他影片: >>喊住認錯










發生飛貓慘劇後,據知身為貓主的 Ivy已急急作出補救,即時在家中窗門加裝鐵欄,現時兩姊妹仍在將軍澳日出康城家中養有 2狗 1貓和 2隻兔仔。貓主 Ivy說:「我同 Yumi都好錫 Dundee㗎, Yumi成日都抱住 Dundee嘅,我上個月仲專登買多隻貓返屋企,諗住畀 Dundee做老婆嘅……」未講完已眼淚失控流。

發現 Dundee屍體前,原來貓貓已經失蹤一段時間,之後證實貓貓不幸飛落街, Yumi竟將不安照放上網,網友當然狂插, Yumi說:「男友(陳偉成)叫我即刻刪除咗佢,希望少啲人睇到喎!」網上圖片

唔認抽水

對於網友插 Yumi放貓屍相, Yumi急急道歉兼自責:「我真係好蠢!」 Yumi表示當日因忘記關好門窗令愛貓有機會爬上窗戶而發生慘劇, Yumi說:「我真係好後悔好後悔,其實我好錫 Dundee,經過呢次教訓,我以後都會小心啲,其實我只係想紀念隻貓,點會想借佢宣傳?我都即刻 delete咗張相。」而 Ivy亦撐姊妹:「我嗰晚發現 Dundee條屍時已經硬曬,我咪影相紀念佢囉,知佢做乜都會放上網同人分享,點會係抽水呢?」兩位𡃁模以後真係要好好照顧啲小動物

補救

家中仍養有 2狗 1貓的 Yumi和 Ivy,為免慘劇再發生,意外發生後即往百貨公司買鐵欄補飛。

hea裝

雖然工具買咗,不過裝完仲有個大窿,個鐵欄又易甩,有啲 hea喎!

家住日出康城 68樓,樓外一片雲海,露台則只用膠欄擋住就算,唔計兩隻兔仔,家中兩隻活潑小狗真係要小心睇實呀!



鍾意就快D Share啦!
Related Posts Plugin for WordPress, Blogger...