2014年5月14日 星期三

[FACE 364] 愛鬥大 蔡志明豪買萬呎海上行宮 蔡加讚:有幾個魚排! 蔡志明,蔡加讚,MF,




蔡志明的魚排面積超過 1萬呎,其中搭建了幾間小屋做廚房同睡房。

真面目

愛鬥大 蔡志明豪買萬呎海上行宮 蔡加讚:有幾個魚排!

去年 11月拉埋天窗的蔡加讚同汪圓圓,結婚冇耐已經一擊即中造人成功,現時圓圓佗 B女 5個月,預產期 10月生得。

金笸籮好快出世,玩具大王蔡志明除了可送玩具俾孫女,更可帶佢出海玩!據知蔡家以過千萬在西貢買入過萬呎魚排,排上有齊睡房及廚房等設備,亦有多隻豪華遊艇代步。海上行宮又大又夠私隱度,識玩一定係咁玩!











結婚未夠 1年的 28歲蔡加讚同 27歲汪圓圓,今年尾即將首次做父母,腹中 B女加埋胞姐蔡加敏 3個仔女及蔡加怡去年誕下的囡囡,玩具大王蔡志明一家 13口,真係要地方大先夠空間玩。

結婚半年已經造人成功,難怪心急抱孫的蔡志明(右二)同蔡太(右一)開心到暈。

28歲的蔡加讚就快做老豆,連講嘢都漸見霸氣,一句:「我西貢好多地!」型到呢!

遊艇數唔曬

據知蔡家年前以大約 1千萬買入位於西貢榕樹澳的魚排,面積過萬呎,「呢個排喺榕樹澳嚟講算好巨型,排主(蔡志明)好捨得使錢,用啲靚木鋪面,廚房又豪裝,排上面擺咗幾張大餐枱,似係成日招呼朋友,仲請咗幾個人日日幫手打理添!佢哋長期有幾隻艇仔、一隻三體船同一隻遊艇泊喺魚排,如果老闆入去玩,就會揸隻紅色快艇,有時請朋友上排,就會派隻大型遊艇過去,啲船多到數唔曬咁滯!」知情人士透露。

蔡加讚上週三( 7日)亦承認有個過萬呎海上行宮,「我哋喺西貢有好多地,同埋有幾個魚排!(會唔會送一個俾老婆獎佢生女呀?)嚇?唔識答呀!」

雖然汪圓圓呢胎唔係仔,但仍然萬千寵愛。即將榮升嫲嫲的蔡李惠莉,早前預告會為孫女在家興建兒童樂園,又會安排乖孫在其創辦的幼稚園讀書;而準爺爺蔡志明都話無論送咩禮物俾圓圓都得,最緊要係孫女健健康康。其實蔡志明坐擁超過 256億身家,直頭買個迪迪尼樂園俾孫女玩都得

汪圓圓同家姐詩詩及姐夫甄子丹(左)感情要好,早前帶埋老公蔡加讚一齊飯聚,仲話提早慶祝母親節。網上圖片

魚排環境清靜又夠大,做私竇搞飯局一流。

四層遊艇待候

價值過億的遊艇隨意泊於魚排附近,真係恨死隔離!

細艇接駁

每次有客人上魚排玩,蔡志明都會出動呢艘豪華遊艇載人出入。

孻仔孻心肝

玩具大王蔡志明身家超過 256億,身為孻仔的蔡加讚當然要住得豪用得好!去年蔡加讚結婚,蔡志明送了 6億豪宅做禮物,另外再送 8千萬鑽飾俾新抱,絕不手軟!

6億新房

6億新居仲裝修緊,蔡加讚現時同圓圓仍然住在蔡家的九肚山大宅,由奶奶照顧。圖片

狂儲超跑

年紀輕輕已擁有十幾部名車, 09年收過全球限量 20部的林寶堅尼 Reventon,另外又有林寶 Murcielago及 Benz SLS AMG。《忽然 1周》圖片

揼水 1億

加讚獲父親打本,先後以 6百萬開過甜品店、意大利餐廳、 1億搞水貨車公司及汽車維修中心。《忽然 1周》圖片



鍾意就快D Share啦!
Related Posts Plugin for WordPress, Blogger...