掃呢頁CODE去手機

2014年5月14日 星期三

[FACE 364] 嚇一跳 撞邪疑雲 張家輝鬼上身激跳 家輝,張家輝,MF,




自導自演拍《盂蘭神功》的張家輝,於拍攝鬼上身跳樓梯戲前,來回在欄桿前計算起跳角度,又要醞釀鬼上身情緒,佢話同拍動作片一場,付出好多心機。

真面目

嚇一跳 撞邪疑雲 張家輝鬼上身激跳

近年張家輝狂拍動作片,早前先憑《激戰》攞走「香港電影金像獎」影帝,最近又拍住吳彥祖主演新戲《魔警》玩警匪大戰。 49歲張家輝拍足 25年戲,獎又攞到手軟,上年終於玩過界,處男自導自演新戲《盂蘭神功》。

首次執導新戲,家輝唔玩拳擊改玩嚇鬼。將於 7月上畫的《盂蘭神功》,以鬼節做背景,配合傳統神功戲班,聽落已覺恐怖。最驚嚇一幕,講家輝瞓醒發現自己爛腳,最後翻查閉路電視先知原來自己鬼上身跳樓梯,睇到心寒。拍得鬼片預咗邪,據知家輝在拍攝現場更發生撞邪疑雲,張導演嚇到發惡夢!



其他影片: >>家輝嗌救命










從影 25年的張家輝,拍過 60部電影,搞笑、動作戲統統演齊,上年鼓起勇氣執導筒開拍《盂蘭神功》,更兼任男主角自導自演起雙飛。定於 7月 10日鬼節前上畫的《盂蘭神功》,故事發生於農曆 7月,以充滿神秘氣氛的中國傳統戲班為背景,講述於鬼節前夕,一個快將演出神功戲的戲班,團員接二連三撞邪遇上恐怖怪事的經歷。

《盂蘭神功》中,家輝飾演神功戲班班主,劉心悠飾演戲班花旦, 2人互相傾慕,最慘係一齊撞鬼,真係苦命鴛鴦。

片中,心悠 BB一樣被鬼上身,仲要搞到拗曬腰好似倒吊咁,真係陰功豬囉!

夜闖樓梯

激跳樓梯一幕,從閉路電視中看到,家輝起初一個人行樓梯上樓,雖然合埋眼,但似乎好熟路。

企上欄杆

之後,家輝突然左轉,然後直立式企上樓梯的欄桿上,睇見戥佢牙煙。

即刻跳

企上欄桿後,諗都唔諗,家輝即跳落樓梯,最後搞到右腳膝蓋附近又腫又瘀,唔死都執番條命。

企上欄桿後,諗都唔諗,家輝即跳落樓梯,最後搞到右腳膝蓋附近又腫又瘀,唔死都執番條命。

大叫救命

從閉路電視睇到自己鬼上身激跳情況,家輝嚇到掩嘴,仲忍唔住嗌救命。

右腳腐爛

爛腳

戲中男主角張家輝飾演幫老豆接管戲班做班主;女主角劉心悠則扮演戲班花旦, 2人除有感情線發展外,仲齊齊撞邪。

戲中最驚嚇一幕,要數張家輝一日瞓醒之後,竟然發現自己右腳膝蓋附近無故腫痛腐爛,為找出真相,家輝翻查閉路電視,發現原來自己鬼上身,仲跨欄跳落樓梯,嚇到大嗌救命,影帝驚驚表情超曬班。

據知此場戲更是由家輝親自構思,源自家輝一直覺得閉路電視令人感覺詭秘,加上好多案件都由閉路電視找出真相,所以今次家輝執導的新戲亦大玩「老閉」橋。

「好似考試!」

首拍恐怖片,家輝避唔開遇上離奇事件。話說有次拍火燒場面,眼利的家輝發現其中一個負責控制火場的工作人員,突然目光呆滯,之後更被煙焗到唞唔到氣都唔識離開火場,最後要由家輝指示其他人將他拉開,該工作人員定神後,才知發生什麼事。事後各工作人員也議論紛紛,加上家輝一直重複拍了多場鬼上身戲,更搞到自己發惡夢。

家輝搏老命為處男執導新戲,而飾演戲班花旦的女主角劉心悠,亦有唔少鬼上身演出。首次扮神功戲花旦的心悠,唔只要練造手,演鬼上身時更要拗腰,又要跳來跳去,消耗不少體力,難怪她亦跟工作人員表示,拍鬼片跟動作片一樣咁辛苦,好彩導演家輝不時上前鼓勵才捱得過。

話曬《盂》片係家輝處男執導,佢自覺好似考試咁;「做導演係以前未接觸過,係一個新學習。今次執導好似考試咁,要套戲出街後先知成績,知大家點樣評分,我好期待。不過無論得與失,我都會以平常心對待。」

今次李雲迪徒弟李元玲飾演家輝同父異母的細妹。拍攝期間,家輝要同李元玲翻睇拍攝效果,張導演好認真喎!

導演癮

呢兩年有唔少明星想升呢執導筒,去年有楊采妮的《聖誕玫瑰》和任達華拍了《迷離夜》其中單元,今年仲多明星級導演加入,除張家輝外,天王黎明亦將自導自演新戲《酒戰》,片酬同導演費係咪又收多份呀?

出戰酒場

黎明

一直想做導演的黎明,最近已飛到法國,為自導自演的新片《酒戰》開工,片中黎明將飾演紅酒商人,其他演員有張涵予及白百何。

玩老嫩配

杜汶澤

一向多橋又鍾意臨場爆肚的杜汶澤,新戲《雛妓》做導演外更做埋監製,今次仲搵埋 31歲嘅阿 Sa蔡卓妍扮學生妹,與任達華飾演情侶。

再玩驚嚇

任達華

繼去年執導恐怖片《迷離夜》後, 59歲任達華現正籌備開拍警察撞鬼電影,但只是初步構思,預計明年才開拍。



鍾意就快D Share啦!