[FACE 365] 有口話人 廣州仔數爆 MKPop 攻港拾音社： FAITH好姣！ FAITH,MF,

尖咀搶咪

拾音社見到天星碼頭街頭樂隊 M記玩 live，立即要求 jam歌，即場唱咗〈 kisskisskiss〉，觀眾反應好好仲跟住又唱又跳。

真面目

有口話人　廣州仔數爆 MK-Pop　攻港拾音社： FAITH好姣！

明明係廣州組合，卻被網友當係 MK-Pop的強國二人男子組合拾音社，上週趁勢來港爭地盤。上星期一連 5日攻港做宣傳之餘，更走入 MK、天星碼頭踩場，再鑽入蘭桂坊睇女，自由行玩足一日。

變番黑色頭髮的拾音社，攻港同時亦不忘批評 MK-Pop，勁彈𡃁仔組合 FAITH啲歌唔合邏緝、好姣、唔知佢哋想點，踩到盡好唔畀面！

其他影片：

• >>拾音社自由行

拾音社主音何柏誠（ 24歲）及 keyboard手李滔（ 24歲）是廣州仔，正式出道已兩年有多，電音快歌又有抒情歌都有，只因名曲〈 kisskisskiss〉和天堂鳥及 FAITH的處男 MV同期放上網，而一齊被歸納是 MK-Pop。

拾音社有菲士

網上圖片

最近 MK-Pop三強有新歌上場畀網友繼續討論，拾音社〈菲士〉 MV已有得睇，新碟《不自然》亦已喺香港派台。

FAITH唱阿媽

FAITH第二首歌〈 Ma Ma Easy〉唱番廣東歌又歌頌媽媽本來唔錯，可惜 MV製作馬虎、音色低質再被網民鬧爆。

天堂鳥問你想點

天堂鳥新歌〈 What You Want〉有得聽但未拍完 MV，比〈登陸太陽〉進步多正評，不過 MV會搵夏蕙姨做女主角就難頂啲囉！

照唱廣東歌

拾音社甚少提及家人，兩年前首〈媽咪靚湯〉就令主音何柏誠同媽咪合照曝光，原來何媽媽都係美魔女。

其實拾音社出過 5張唱片，但一直唔算大紅，被網友嘲笑反而令他們多人識，主音何柏誠話：「喺內地愈俾人鬧係會愈紅，所以好多謝班網民！」他還自爆：「我哋一向唱廣東歌，但廣東歌市場好細，本來我哋下隻碟想轉唱國語喇，點知𠵱家紅咗，我哋就想喺香港發展，暫時唱番廣東歌先。」上週他們就由廣州來港宣傳新碟《不自然》，忙派歌上電台之餘更自由行一日視察。

所謂同行如敵國，對於最近趁母親節而出新歌〈 Ma Ma Easy〉的 FAITH唔多睇得順眼，更強調自己同 FAITH好唔同：「我哋讀聲海音樂學院時已組成拾音社，自己印 2千張唱片，賣 38蚊人民幣，親自拖住車仔去 sell畀唱片鋪，遭到好多白眼，有啲問邊個嚟㗎？有啲攞咗幾張至今下落不明冇錢收。」

一日港九自由行

拾音社上週三（ 14日）來港 5日宣傳新碟，星期四（ 15日）去了旺角、尖沙咀，然後搭船過中環蘭桂坊，玩盡香港旺地。

唔敢蒲老蘭

夜晚去蘭桂坊感受一下，原來 2人之前未到過蘭桂坊， 2人去到老蘭都唔敢入酒吧蒲，主音何柏誠（左）好欣賞外國女仔性感又熱情，不過同拍檔李滔一樣，認為搵女朋友都係同聲同氣黃皮膚適合啲。可惜兩個都已同女友分手，未有合適對象。

行波鞋街

雖然唔認 MK-Pop，但拾音社好鍾意行旺角，以前多次來波鞋街買波鞋，當日何柏誠想買番對 DC板仔鞋，可惜行咗幾間都冇呢個牌子。

睇 Hot Toys

他們又愛玩 12吋 figure，何柏誠喜歡 Iron Man（內地叫鋼鐵俠），李滔則鍾情鷹眼，當日跑上 Hot Toys基地參觀時話：「喺廣州好難買到，要上網訂。」

搵 CD

2人走去唱片鋪找自己的 CD，點知話咁快就搵到，信和老闆仲話由第一隻碟起已開始賣，近期仲有人專程嚟搵佢哋新碟添，賣得都唔錯。

「唔似 MK仔」

在旺角巧遇劉以達，達哥更請客帶他們掃街食牛雜，拾音社即刻問有冇合作機會，達哥一口答應。

他們更一邊睇 FAITH的新 MV更話唔鬧唔得：「啲歌缺乏邏緝性，冇起承轉合嘅！ mixing又怪，好空曠咁去唱感人嘅歌，啲電子音飛嚟飛去，聽唔到佢哋唱乜！呢呢呢，姣咗有眼影，唔知佢哋想點！」

拾音社都曾因為 MV造型古怪，頭髮五顏六色而被批評 MK味重，這次來港卻回復黑髮，他們解釋不是怕再被人笑：「我哋只係拍 MV或者表演至會染髮，平時都係黑色，咁落到嚟旺角都唔似 MK仔」

拾音社講中港矛盾

中港矛盾一蘿蘿，由屙金到地鐵食嘢都可以嘈一餐，來自廣州的拾音社要來香港發展，係咪樣樣要包容包容先？

厚多士嘥氣

「邊條地鐵冇女人嗌交？只係有人放上網煲大咗，有矛盾係好正常，嘈完交都係好朋友，大家平等嘅！」

屙金冇文化

「必須做個有文化嘅人，直白（坦白）啲講要隨機應變，心態要好啲。（喺內地有冇見過人隨處便溺？）廣州係有文化嘅城市。」

洋腸唔好食

「出邊啲嘢肯定係吸引啲、新鮮啲，不過一個階段啫，有邊個唔鍾意出去玩，但談婚論嫁梗係搵番啲同自己 match啲嘅人」

鍾意就快D Share啦！

下一篇 》