[FACE 368] 祝福舊愛 5年前撻着 羅鈞滿攬前度 Liddy「畀啲空間佢！」 Liddy,羅鈞滿,李悅彤,MF,

羅鈞滿和 Liddy因拍攝《南華夢飛翔》而撻著，當時兩人不避嫌大街大巷攬曬，愛得相當高調。

真面目

祝福舊愛　 5年前撻著　羅鈞滿攬前度 Liddy「畀啲空間佢！」

彭順背住「影後」老婆李心潔，公然喺圓方攬啜 26歲𡃁模李悅彤（ Liddy）斷正，事件峰迴路轉，轟動香港的啟晴邨槍擊及謀殺案，吞槍自殺槍手李德仁原來就是 Liddy父親。

事發後幾位主角彭順、李心潔和 Liddy一直未有蒲頭；本週一，發力箍煲的彭順離開馬來西亞，有傳為新戲回港籌備；而 5年前曾與 Liddy撻著的羅鈞滿，亦出聲維護前度︰「我諗佢要嘅係空間同時間。」

其他影片：>>羅鈞滿講舊愛

雖然 Liddy的身世愈揭愈複雜，其情史亦豐富，原來 30歲的「星夢幫」羅鈞滿都係舊愛之一。據知 5年前拍攝《四葉草》第四輯的《南華夢飛翔》時，兩人日對夜對撻著愛火，當時更被本刊拍到夜蒲蘭桂坊，仲攬頭攬頸添！

上月 26日，彭順與 Liddy喺圓方攬啜當眾斷正，兩人旁若無人，事後身處馬來西亞照顧其女兒的李心潔，被拍到在診所一臉病容。

上週六（ 7日），本刊追問羅鈞滿與 Liddy拍拖一事，他回應：「我哋係好朋友，拍《四葉草》嗰陣好開心嘅，我諗大家畀番啲空間佢！」咁維護舊愛，因住主播女友張文采呷醋呀！

分手冇聯絡

09年，本刊踢爆𡃁模 DaDa（盧頌之）一腳踏兩船，同時間搭上同劇演員何浩文和羅天宇，關係七國咁亂，原來另一 pair羅鈞滿和 Liddy都拍劇拍出愛火。

「 Moon（羅鈞滿）同 Liddy拍緊拖嗰陣好 sweet㗎，日見夜見，嗰陣兩個都冇人識，出街都好公開。不過分手之後就真係冇聯絡，直至 Liddy最近發生咁多嘢， Moon都一路有留意佢嘅新聞，又周圍同人講，好多新聞都唔係真。」據羅鈞滿身邊友人透露。

09年，本刊踢爆當時 DaDa（盧頌之）一腳踏兩船，同時間拖住同劇的何浩文和羅天宇；而羅鈞滿當時亦與 Liddy拍拖，一班年青人經常相約夜蒲。

《南華夢飛翔》是《四葉草》系列中的第四輯，不過劇情與前三輯沒有關係，而羅鈞滿和 Liddy都係劇中閒角。

Liddy和 DaDa同是𡃁模， 09年拍劇後成為好友，仲齊齊當街扯煙頂癮。

近日有雜誌去到 Liddy外公位於湖南屋企訪問，外公細說 Liddy的身世，話 Liddy好聰明，又表示不知道孫女有男朋友。

圖片

「嗰陣係好開心！」

上週六（ 7日），本刊在活動後，追問羅鈞滿是否曾與 Liddy拍拖？他起初不太願意回答，之後才說：「我哋係好朋友，拍《四葉草》嗰陣係好開心嘅！（知唔知佢近排啲事？）我都係睇新聞先知。（點睇啲傳聞？）應該......大家，畀番啲空間大家啦。（有聯絡？）我都......冇呀。（有冇慰問佢？）我諗大家畀番啲空間佢好啲囉，我諗佢要嘅係空間同時間。」

至於事件的現任男主角彭順，他週一（ 9日）離開馬來西亞，有傳回港為新戲處理事務，但機場有大批傳媒守候，據知彭順臨時改在香港轉機飛返北京避傳媒追訪，對偷食一事始終未有交代。

Liddy自偷食事件曝光後即成為新聞人物，仲爆出父親就係啟晴邨吞槍自殺槍手李德仁。本月 3日， Liddy與母親到殮房認領屍體，全程都用口罩遮面，之後急腳上車離開。

《蘋果日報》圖片

今月初，九龍灣啟晴邨槍殺案，槍手李德仁先三槍轟斃鄰居後，再反鎖在家同警方駁火對峙六小時，仲試過攀窗用槍指太陽穴向警方示威，最後吞槍自殺，轟動全港。

有線電視畫面

上週五（ 6日），本刊到 Liddy位於青衣公屋住戶查問，但沒有人應門，有傳 Liddy與母親到內地避風頭。

姊妹團小組會議

彭順偷食斷正已有 2星期，李心潔一直留在大馬住所，除了彭順，只有父母、胞弟和經理人公司的助手陪同；而三位好姊妹梁詠琪、楊采妮和許茹芸，據知還未前往探望李心潔，就算近在新加坡的楊采妮，都未打算出發，而姊妹團一直有電話和短訊保持聯絡，大家商量後，都覺得這段時間要讓李心潔自己思考，尤其是面對 13歲的繼女欣欣，最令李心潔擔心。

三位好姊妹商量後，決定暫時不去大馬探望心潔，但每日都會通電話保持聯絡。

網上圖片

恩師張艾嘉為新片《華麗上班族》趕拍，對事件未有任何發言，但據知張姐嬲到震，亦唔贊成心潔原諒彭順。

鍾意就快D Share啦！

下一篇 》