[FACE 368] 股惑仔 兄弟幫寫真剝盡 King：我個股唔夠 firm BKD_S,MF,

King和 Karl同樣做過 A&F男模，兩個人的身材一樣咁 fit，影泳褲相冇「加料」㗎！

真面目

股惑仔　兄弟幫寫真剝盡　 King：我個股唔夠 firm

𡃁模書展鬥胸器熱潮降呢，反而肌男寫真有接力。上年寫真集賣過萬嘅 A&F男神趙勁皓（ King），食過番尋味，今年拉埋同樣做過 A&F男模嘅張嘉偉（ Karl），打正旗號兄弟幫拍住出寫真，兩兄弟齊齊露股。

King仲大讚師弟 Karl個股好結實，「 Karl嘅股肌練到好結實、堅挺，我個股就唔夠佢 firm！」咁謙，真係要睇過先知！

其他影片：>>直擊寫真現場

上年 King的寫真集《人魚線上的卡夫卡》，突然殺出個「劉老闆」，一人掃走 8千本，令銷量埋單高達 1萬 2千本，今年 King再出擊，當他知道同屬模特兒出身的 Karl有意出寫真， King即時拉攏兄弟檔出招。

濕身

兄弟幫孖住出寫真，仲租架遊艇出海拍攝，玩埋白泳褲濕身添！今次咁揼本， King真係要快啲通知劉老闆掃書喇！

互搽

King和 Karl相識多年，情如兄弟， King仲好細心幫 Karl搽太陽油！肌味濃！

蛋白質谷肌

今次寫真集，打正旗號標榜模特兒之間的兄弟情，仲有床照、籃球、健身及鋼管舞不同造型，所以在服裝上的數量已是上年的 5倍。

King和 Karl同樣係健身教練，拍攝前都不需特別加操已經夠 fit，但為求效果更好， King連營養師都見埋，他說︰「最初諗住試嚇營養師嘅餐單，想短時間內修少少身形，但發覺只係單方面瘦咗，肌肉比例、線條都冇咁靚，最後都轉番原本嘅餐單，食番多啲蛋白質谷肌。」

上年 King的寫真集《人魚線上的卡夫卡》，最激都係側身露股，今年仲要露多少少。至於上年同樣出寫真的顧又銘和糖妹前度何浩文，今年就冇份囉！

劉老闆支持

去年底， King與 DaDa盧頌之戀情曝光，兩人不時在 King的健身室拍拖做 gym，男友露股， DaDa都唔介意咁話喎！

今次寫真最激，係兩人分別在床上露股，新肌男 Karl入行第一次工作就咁大膽，事後都有少少怯。他說：「都覺得尷尬嘅！不過大家都識咗咁多年，一齊影露股相都冇問題，影嗰陣都有清場，好彩出來效果都幾好。」

King對師弟 Karl有讚冇彈，「大家一定要睇 Karl露股嗰輯，佢本身已經好大隻，加上又係甲一籃球員，下盤位嘅需求好大，股練到好結實、堅挺，我個股就唔夠佢 firm！（劉老闆會唔會再買？）佢仲未知我會出寫真，我有佢 WeChat，之後都會問嚇佢，希望佢到時支持嚇啦。」

中大波牛

25歲的張嘉偉 Karl，畢業於中文大學中國文學系，現職為 freelance模特兒，主攻平面、內衣 show，健碩身形一直深受各大牌子如 CK、 Hugo Boss及 Speedo重用，在 A&F開幕初期又擔任過短期的模特兒。 Karl現效力甲一隊伍安青，仲話想透過今次寫真集的反應，考慮入行做藝人。

Karl同 King是大學同學，仲會成日孖住去打波，出寫真，梗係預埋兄弟網上圖片

模特兒出身的 Karl，現為 CK， Hugo Boss等大品牌嘅禦用 model，大隻 fit到漏嘅身形仲經常演出內褲 show。網上圖片

鍾意就快D Share啦！

下一篇 》