【舊愛開腔】曾因拍劇燃愛火 羅鈞滿開腔護Liddy：畀啲空間佢
2014-06-10 13:57:00
雖然佢哋拍拖已經係5年前嘅事，不過羅鈞滿都有為前度出聲：「大家畀啲空間佢好啲囉。」（資料圖片）
彭順偷食0靚模事件斷正，做小三嘅Liddy（李悅彤）成為新聞人物，更被全城起底，當然包括埋佢嘅情史。
據今日雜誌嘅報道，原來張文采男友羅鈞滿，都係Liddy舊愛之一，5年前佢哋朝夕相對拍劇時撻著，當年仲被雜誌影到佢兩個攬頭攬頸夜蒲老蘭。
據羅鈞滿身邊人透露，佢話當年鈞滿同Liddy拍拖時日見夜見，表現好sweet，但分手後已經冇聯絡，不過羅鈞滿一路都有留意Liddy近期新聞，但佢就周圍同人講唔係真。
而羅鈞滿被接受該雜誌訪問，佢就咁回應：「我哋係好朋友，拍《四葉草》嗰陣好開心，我都係睇新聞先知佢近期嘅事。」
問佢仲有冇聯絡Liddy，佢就話冇，不過佢話：「我諗大家畀啲空間佢好啲囉，佢要嘅係空間同時間。」
當年呢班年輕人拍《南華夢飛翔》，啲關係七國咁亂。（資料圖片）
上年張文采與黃紫盈大鬥法，幸有男友羅鈞滿呵返（圖片)
|
鍾意就快D Share啦！
|
|
|