扮憔悴
周慧敏為了配合電影《等一個人咖啡》中的角色，捨棄靚樣要求化妝加深黑眼圈兼面黃黃，搞到無厘精神。
探熱針
玉女埋位 三大要求 周慧敏考起九把刀
自組經理人公司後，周慧敏要為製作首張福音碟作準備，又答允視她如女神的台灣小說作家九把刀拍電影《等一個人咖啡》，有個人原則的她更列出三大條件：設拍攝限期、不素顏、要請老師跟身，一度考起九把刀。
閃拍一星期
周身唔得閒，但周慧敏睇完九把刀的劇本後，決定唧出七日檔期，飛往台灣埋位拍《等一個人咖啡》。
「 Vivian只係客串，但角色會貫穿全套戲，條線好重要。不過劇組冇考慮過佢只可以留喺台灣一個禮拜，監製（九把刀）為咗趕起 Vivian嘅戲𢱑爆頭，結果跟唔到一早定好嘅期表，要不停跳拍，搞到其他演員嚟到現場都冇機會埋位；好彩 Vivian係好多台灣藝人嘅頭號女神，所以大家都冇投訴，企埋一邊睇佢埋位，俾著係第二個，一早炒鑊啦。」劇組人員說。
在《等一個人咖啡》面書官方網頁中，有一段拍戲期間的日誌：「前兩天周（慧敏）在現場等戲好幾小時，九把刀自覺不妥，第三天起打破規則，下令『不順光、不順戲、順周慧敏拍』」為求在周慧敏定下的死線前完成她的戲份，九把刀絞盡腦汁。
素顏唔使諗
九把刀自稱讀高中時，已經視周慧敏為偶像，又因為女神身形外貌 keep住二十年不變，一早設定在戲中飾演咖啡店老闆娘的她，要以素顏上陣；不過女神唔接受，九把刀亦冇得 say no。
「監製覺得 Vivian啲皮膚好，唔化妝好自然，反而化妝會太有神采，同個角色唔係好夾，但 Vivian唔肯，因為佢覺得化深個黑眼圈，加黃啲面色，會更切合個角色，試完妝後，九把刀即刻收貨。」
專人執發音
早年出過國語唱片攻台灣的周慧敏，還向九把刀要求請一位國語老師跟場，糾正她的國語發音。
「飛嚟台灣埋位前， Vivian要劇組請定個國語老師，佢嘅理由係擔心自己發音唔正，影響成部戲嘅觀感。每次埋位前， Vivian都一定同老師對稿，講對白，逐粒音去執，佢對自己嘅要求真係好高。」劇組人員透露。
|
鍾意就快D Share啦！
|
|
|