可嵐話因為老公冇情到呢個地步，才令她對這段關係不再留半點眷戀。
探熱針
老公包二奶 家暴可嵐被迫墮胎
一○年奉子成婚的歌手可嵐爆出家暴後，開記者會交代過去四年一直遭受從事飲食業的老公尤子威暴力對待，並下定決心離婚，帶同三歲兒子重過新生。
當年佗仔期間，已發現老公在內地有小三的可嵐，今年四月再度懷孕，但老公竟然狠心到要她墮胎，啞忍四年，可嵐終於醒覺。
向人求救保胎
選擇忍受一次又一次的家暴，換來身心受創。鑊鑊衰心軟的可嵐，於今年四月發現為狂躁老公再度意外懷孕，但她怎也想不到，得悉她懷孕消息的老公會如此冷血無情。據一名知情者透露，四月可嵐透過 Whatsapp向老公報喜：「 I pregnant！（我懷孕）」但對方的回覆是：「 See doctor and get rid of it.（搵醫生落咗去）」不負責任，更完全無商量餘地。之後無任何關心問候，只不停追問可嵐約了醫生沒有。
一直想保住個胎的可嵐，為此曾致電友人求助。「佢老公唔俾可嵐喺外面做嘢，要佢留喺屋企湊仔同落鋪幫手，自己冇經濟能力，可嵐唯有一直忍，就算今次想保住個胎，最終都唔敢違抗老公命令。」知情者說。
狂鬧老婆係乞兒
要老婆墮胎的尤子威，日前在反擊可嵐的訪問中扮晒慈父，但記者在他與可嵐的多次爭執錄音對話中，發現他對妻兒是何等無情，甚至爆晒粗話根本唔想要個仔：「係你話要生㗎，仆街！你自己話搞×掂佢……我唔×話係落×咗去，乞兒！」而另一段二人為炒傭人嘈交，男方竟說將個仔交去兒童院。暴躁的尤子威不斷以粗言穢語辱罵妻子，又嘲諷可嵐從無攞過一分一毫幫手養家，重複鬧爆她是乞兒，又出言趕她走。
本週一（七月十四日），記者到訪可嵐上月因為家暴驚動警方上門的元朗寓所，已搬離上址的尤子威因為停止為妻兒交租兩個月，可嵐要另覓新居，忙住執拾細軟的她對於今年四月被老公落令墮胎，直認不諱。
陪去做手術
壹：你有冇諗過佢（尤子威）第一個反應叫你墮胎？
可：冇諗過！如果佢唔諗住要，就做好預防措施。我哋已經好少行埋，但之前佢見人有第二胎，又話想要。冇諗過佢咁冷漠……好難過！
壹：你有冇為墮胎掙扎過？
可：我係基督徒，當然有掙扎。之後我照常去做產檢（佢有冇陪你去？）有，醫生問要唔要，佢即刻搶住話唔要，話冇錢兼冇人湊個仔喎！
壹：之後佢陪你去做手術？
可：有！我醒番，心裡面好難過，點知佢淨係走入嚟問我搞掂未，話趕時間，然後俾咗錢就走，見到佢咁好傷心……（開始飲泣）之後我做訪問，仲要喺人前扮無發生過，決定離婚，除咗係忍受咗咁耐嘅家暴，呢個胎冇咗，令我覺得呢個男人唔值得我再去愛。
被拒行房要求叫雞
遭受家暴同時，可嵐甚至再為對方懷孕，令人難以理解。
壹：你願意唔願意同佢繼續有親密行為？
可：兩個人呢啲嘢，一定有情願時候，但亦有唔情願時候。有段時間冇工人，我朝早照顧小朋友，之後湊埋個仔落鋪頭幫佢入單，朝六晚十二先返屋企，我真係好攰，所以有時拒絕，但佢就話：「如果咁一係俾佢叫雞，一係娶第二個。我聽到好無奈，點解我同呢個男人咁耐，佢冇關心過我身體同心靈嘅感受。佢會喺人前表現得好似好有責任，但返到屋企，我又進入恐懼當中。家暴後佢會要求你完全抹走一切，唔可以翻舊賬再提。
老婆生完陪小三
壹：喺錄音片段聽到佢話當日都唔想要個仔，仲叫你一早落咗去？
可：係，當時佢叫我落，但我堅持要 BB，我話我會照顧。後來佢突然提出結婚，我諗住佢會珍惜呢個生命，但到個仔出世，佢就係咁話唔要個仔，仲試過指住個仔講，對個仔造成太大傷害。所以點解我一路強調要保護個仔。
為內地小三不歸家
壹：聽講你生咗個仔無耐就發現老公喺內地有小三。
可：其實喺我未生之前已經有。但我生咗仔後佢就更加過分，郁啲就嘈交，叫佢唔好咁大力閂門嚇親 BB，佢就大力踢道門，跟住話要去搵小三，唔返屋企兩三個星期。個仔啱啱出世，我根本做唔到啲乜，好在當時班朋友好似 Kelly Jacky、文恩澄肯聽我訴苦，安慰我。為咗個仔，我撐住咁過。
壹：佢有冇為婚外情悔疚過？
可：冇，仲肆無忌憚咁同我講，話鍾意上去搞佢。佢同小三關係維持咗幾年，上月我哋又拗撬，因為半夜有個女仔打俾佢話要見佢，我聽得好清楚。第二朝我問番呢件事，佢又開始發火，話個女仔喺蘭桂坊識。其實當日我話俾佢聽有咗，佢都唔喺香港。
發爛拒回應
記者之後到尤子威位於元朗的日本餐廳找他。「家事我只須跟父母交代，我唔講係唔想再助長呢啲新聞。」問他有沒有後悔當初衝動，躁底的他即跳掣！
「你剛才講嗰啲係帶有引導性問題，咩有冇後悔衝動呀！我唔明你想引導我去邊個方向，做錯嘢先有後悔。」
對於婚姻出現第三者，尤子威亦不肯正面回答。「點解咁樣講，呢個資料點解你哋需要？我覺得好引導性囉！」
開拖錄音對話
經歷四年家暴，可嵐與尤子威經常家嘈屋閉。在一條十幾分鐘的開拖錄音聲帶中，兩公婆可以由幾蚊嘅韮菜到兩萬蚊債、阿仔醫藥費等事爭執，男方躁狂至極，相當粗口。
女：你可唔可以對番件事……（未講完男方已經躁爆。）
男：做乜×嘢你而家，唔×好再㷫×我。
女：我點樣㷫你呀？
男：走啦，河水不犯井水……我欠你乜×嘢呀！
女：我唔係你奴隸，日日喺度俾你鬧鬧鬧。
男：你走走走，離開我呢間房！
靜了十秒
女：你冷靜到未？……你係咪要喺屋企大吵大鬧……
男：咩大吵大鬧，你有尊重我咩，你呢個正×人！
女：點樣唔尊重你呀？
男：賤×格、仆街冚家鏟、乞兒……你唔×係乞兒！
女：我點解係乞兒？
男：×你老味……你有冇貢獻過一毫一分……
女：我點樣冇貢獻過一毫一分呀？
男：交租呀仆街，唔×係喺度住，燈油火蠟唔使你俾呀，仆街，乞兒。俾呀，拎錢出嚟，有本事瞓地！
女：我點樣乞兒，冇我個仔養到咁大……
男：你話要生㗎，仆街！你自己講過你自己搞×掂佢。發誓一號，我唔×話係落×咗去，乞兒！
女：係你話要結婚㗎！
男：唔係你求我，次×次都係咁！
女：我求你娶我，你有冇搞錯咗呀尤子威！
|
鍾意就快D Share啦！
|
|
|