粗口喪鬧 疑遭勒頸 可嵐受虐聲帶曝光
粗口喪鬧疑遭勒頸 可嵐受虐聲帶曝光
歌手可嵐自爆被老公尤子威家暴，昨日本報獲得可嵐慘被施虐的聲帶，有聲有真相！聲帶中的尤子威不停用粗口喪鬧可嵐，還有兩人兒子尤俊的哭聲，聞者心酸。
■可嵐受虐後，屋內一片凌亂。
疑為錢銀爭執
尤子威在聲帶中連珠炮發爆粗：「你都戇XX，無X厘頭，你做咗啲鬼鬼祟祟、傷害人，我走去做生意，我傾啲嘢，你走嚟發脾氣，話唔預你冇你份……唔好乜都賴落我度，成日講我唔預你，你有乜input先得㗎？淨係識得要嬲、對抗，話人排斥你，排乜Q啫，我點樣排斥你啫？你講呀。」
接着發生扯被聲，可嵐大嗌：「唔好咁樣扯啲被，喂！你唔好咁樣咁冇禮貌喎，我瞓緊覺喎！」尤子威罵：「同你一齊都嘥X氣！」可嵐慘叫：「喂，唔好再扯我啲嘢呀唔該你，你整損我條頸呀！」尤子威發晦氣說：「你告X我囉，打3條9囉，你最X興」可嵐哀求：「你可唔可以唔好郁手呀？你點樣扯張被，𠵱家勒住我條頸呀？如果唔係，條頸呢度點會損咗呀？咁你唔可以唔郁手咩？人哋喺度冚住張被，點解你一定要抆走人哋張被啫？點解你一定要咁霸道唔畀人冚被啫？」尤子威大聲說：「告X我囉打電話，講講講，你最X叻啦，拉X我坐監囉，正X街！」
家暴聲帶構想圖
■可嵐在聲帶內遭尤子龍用粗口狂鬧。設計圖片
■尤子龍疑向可嵐動粗，她在聲帶中大叫頸被勒住。設計圖片
再爆強逼墮胎
原來可嵐除被家暴外，昨再爆遭老公逼墮胎，她接受本報電話訪問說：「我有咗6周身孕，佢叫我落咗去，話冇錢養冇人理。自己係基督徒，唔想唔要，教友都鬧我，但男人係家中阿頭都唔要，生咗冇幸福！做完手術我好傷心，一個生命！」問點解夫妻關係惡劣仍懷孕？她難過說：「佢話娶老婆返嚟係畀佢搞，唔畀佢搞一係娶第二個老婆，一係叫雞！之前佢個小三仲打電話畀我，問我知唔知老公去咗邊？話佢哋喺深圳酒店乜咗幾次，我好難受，簡直無地自容，喪喊！」
採訪：皓鶱
|
鍾意就快D Share啦！
|
|
|