熱爆娛樂: [壹週刊 1271] 一姐咁做　豪花三百萬　 Janice Man轉會禮矜貴 Janice Man,文詠珊,M1,

2014年7月17日星期四

[壹週刊 1271] 一姐咁做　豪花三百萬　 Janice Man轉會禮矜貴 Janice Man,文詠珊,M1,

探熱針

一姐咁做　豪花三百萬　 Janice Man轉會禮矜貴

跟了黎明五年，冇厘聲氣的 Janice Man(文詠珊），最近以三千萬高價轉會到太陽娛樂，公司講明力捧，即將舉行的加盟儀式，由宣傳到酒會，樣樣落重本，豪掟三百萬大搞，未有一姐之實，也有勢！

撰文、攝影：娛樂組　設計：盧錦輝

掌上明珠

太陽娛樂背後撐腰， Janice Man換新主兼自組品牌做埋老闆。雖然大把彈藥，但她慳妹上身，在中環租了個分拆式潮格寫字樓，小試牛刀。 Janice Man慳自己，但新主太陽娛樂卻落重本。

據了解，太陽娛樂一擲三百萬，為 Janice Man於本月底在半島酒店舉行的加盟酒會，打造氣勢。為寓意 Janice Man是旗下掌上明珠，場地將以珍珠作精心布置外，更特別拍攝一個加盟廣告片於網上播放，還有在銅鑼灣等多個黃金地段的大廈外牆落廣告大事宣傳，十分架勢。

JM在中環租用了一個分租辦公室，自組做老闆，什麼都一腳踢，很多時都要返新公司與同事開會。

以三千萬轉會費兼自己做老闆， JM當然開心到要開香檳慶祝。

公司重視 JM，因此以明珠為加盟會的主題，寓意為掌上明珠，非常有心思。

追番五年

「近年 Janice Man拍咗幾套戲，好多業內人士都覺得佢嘅戲幾好，其實有條件再發揮，太陽娛樂簽佢，係覺得 Janice Man值得栽培，會幫佢喺電影方面爭取更多機會。」知情者說。

要追番浪費了五年寶貴光陰，太陽娛樂除了掟錢幫廿五歲的 Janice Man谷人氣，加盟酒會當日，亦獲圈中分量前輩如張家輝、 Chi Lam等力撐。

魚唔過塘唔會肥！ Janice Man生猛晒！