春卷出寫真裸．彩 唔益李思捷
現年24歲的李思捷前女友春卷（王宝宝）向來作風大膽，曾經為自編自導自演的短片而穿着內衣追電車，擁有33C上圍的她身材勻稱惹火，多年來不時被邀推出寫真，但都被春卷一一婉拒。不過，最近春卷擬自資推出藝術寫真，更構思全裸上陣在身上畫彩繪，但就拒絕讓思捷充當攝影師，反而自爆曾讓其他前度為她拍裸照，未知思捷會否為此而恨得牙癢癢呢？
王宝宝於人氣節目《美女廚房》中以美味天使「春卷」而打響名堂，更聯同其他天使包括「柑桔」蕊蕊及「藍莓」劉俐推出寫真。今年蕊蕊與劉俐也分別推出個人寫真集，原來春卷亦密謀出寫真大計，更構思以全裸上陣，不過，她講明並非o靚模寫真，實行劃清界線。
想狙擊蕊蕊
春卷透露自從2009年出過寫真後，有不少書商游說她再出，但她認為比堅尼及內衣之類的相片了無新意，為狙擊蕊蕊，最近決定由自己一手包辦推出大膽前衞的藝術寫真，她解釋：「我今年24歲，想趁青春留倩影，拍一輯全裸寫真，打算叫彩繪藝術家喺我身上畫彩繪，再同背景合二為一，我識好多呢類藝術家，佢哋都有興趣，其實好多藝術家都好難搵到模特兒肯咁做，所以算係大家互相幫助。如果真係冇出版社投資，咁我自資出都冇問題。」
問到會否邀前度李思捷操刀擔任攝影師，春卷即時拒絕讓對方參與：「唔會，佢同影相無關係，影相唔係佢專長，而且我有班合作咗好耐又信得過嘅攝影師。（會唔會問思捷畀意見？）係我嘅書，我會自己搞自己諗，又唔係佢出書。我可能都會同佢講呢件事，但相信佢唔會畀意見，因為佢對我做嘅嘢都好信得過。（佢唔介意你影全裸照？）唔介意，同我熟嘅朋友都知我個人係點，哈哈！」問到她跟思捷拍拖時有否拍過親蜜照？她否認：「咁又冇喎！普通相就有。（冇拍過床照？）以前同其他人拍拖就試過，畀個男仔拍過我裸照。（你唔擔心相片會流出？）影得都預咗，如果驚當初就唔好影。」
非o靚模寫真
至於會否擔心寫真與o靚模寫真混為一談，春卷澄清自己並非o靚模，她笑言：「我年紀都唔細，而且我做咗模特兒9年，加上我參加過世界模特兒選舉，冇可能係o靚模。」她又再三強調寫真以藝術作出發點，她不屑地說：「我出得嘅寫真，一定係同o靚模唔同風格，相信唔會有人將我同佢哋去比較，當然我知道有啲o靚模寫真話係行藝術，但我真係睇唔到，我真係唔覺得，佢哋嘅藝術同我嘅好唔同。（會唔會避開書展時出？）咁又唔會，書展唔係淨係畀o靚模。」另外，春卷向來敢作敢為，她自爆最近到英國時，與朋友玩遊戲時輸給對方，最後要在身上一個位置穿環，問她是甚麼位置，她神秘地說：「邊度唔好講，總之係私密位，只係畀自己睇。」看來其寫真又多一個賣點。
王宝宝profile
年齡：23
三圍：33B、24、34
身高：170cm
入行經過：自小在英國讀書，回流返港後獲監製錢國偉賞識，2009年加入無綫，擔任《美女廚房》「美味天使」的「春卷」，同年，代表香港參加第廿一屆世界模特兒小姐大賽，奪「十佳選手」及「最佳愛心大使」獎項。早前撈過界做導演，自編自導自演短片之餘，更除剩胸圍及底褲，在上環街頭赤腳喪跑追電車成為熱話。
文：名人組
|
鍾意就快D Share啦！
|
|
|