歐陽妙芝同老公方時俊睇兩個仔行騷，之後再去慈善晚宴，成功搵到阿仔鍾意嘅球星合照。
媽咪姐
二代出騷有乜 fun
藝人、名人出活動各取所需，個個都有唔同目的，有人為撐老友、有人為酬勞開工、又或者借勢宣傳自己。最簡單嘅都係班小朋友，為咗見吓心目中偶像，出一出騷已經有排 happy！
歐陽妙芝 帶囝囝集郵
日（ 27日），名模歐陽妙芝兩個仔為名錶品牌行騷，同場仲有巴黎聖日耳門廿個足球員。兩個小兄弟未出騷先興奮，喺場外跳跳紮接受訪問，完全冇怯場。哥哥一直話想做足球員，佢熟讀球員名稱之外，仲話︰「我超級興奮但係尋晚都瞓得着。」而細佬都好健談，主動話自己有喺屋企練行路。
好戲在後頭，雖然兩兄弟冇得拖實球星伊巴謙莫域出騷，不過之後去到慈善晚宴，佢哋一家四口就有得輪住集郵，應該羨慕死唔少球迷囉！
呂善揚 出騷卜卜跳
同場仲有呂良偉同楊小娟嘅囝囝呂善揚，今年 12歲嘅佢，向來都好有表演慾。今次出騷，以為難佢唔到，點知完騷後佢話︰「一行出嚟嗰吓心跳好快，依家平伏番少少。」估佢唔到喎！
今周 Top sales 盛品儒
上周四（ 24日），王賢誌喺東華搞慈善 DVD發布會，連近期紅人盛品儒，都帶同有米女友蔡一鳳出動支持。啱啱先同女友復合嘅佢，更即場再向女友發表愛的宣言，力 sell自己專一。
|
鍾意就快D Share啦！
|
|
|
