2014年8月1日 星期五

[忽然1周 992] 月入廿萬 慳妹請助手 楊思琦有線開咪做主持 思琦,楊思琦,MW,




楊思琦將會拍有線的清談節目,每集酬勞更達五位數,唔怪得周一出席活動時咁神采飛揚啦。

娛樂喧

月入廿萬 慳妹請助手 楊思琦有線開咪做主持

柳暗花明又一村,在大台屈做 13年的楊思琦,今年四月離巢外闖。雖然早前有指思琦獨力養女兒楊卓穎( Krystal)孭起一頭家,被迫賣樓套現。不過,實情是她近日埋到黑妹(李麗霞)及范振鋒堆,大陸登台長做長有;加上泊到好碼頭,即將為有線主持清談節目《往事並不如煙》。

據知楊思琦與黎燕珊一起主持的《往》每集酬勞一萬元,共 13集,反應好更會添食。而收入比昔日勁升 3倍的楊思琦,不但保得住啲物業,一向慳爆的她,最近更請了女助手跟身。








楊思琦今年四月離開大台後,獨力撫養兩歲的女兒 Krystal,但人面唔廣,令她面對不少壓力。以前有大台庇蔭,現在她卻要親力親為,所以近日請了個女助手打點瑣碎事。今年初,思琦更成功斟掂有線,將為 8月尾播出的清談節目《往事並不如煙》做主持。

「身邊嘅朋友都戥思琦慘,所以好照顧佢,有登台、 annual dinner嘅工作都會彈俾佢。思琦首次做《往事並不如煙》呢類型節目,所以對酬勞唔高要求,不過有線出手都好闊綽,一萬蚊拍一集。佢個價梗係冇阿珊(指黎燕珊)咁高,因為好多嘉賓都係靠阿珊出面搵。思琦都有壓力,佢驚有線會比較,但佢識嘅都係大台人,依家都頭痛緊。」知情者透露。

思琦泊了有線大碼頭,加上近日頻頻返內地登台,平均一星期兩次,每次三、四萬酬勞,生活上總算有保障。上周五( 25日),她便與范振鋒、阿 Bob赴東莞登台。周日( 27日),又與「黑妹」李麗霞去澳門做騷,所以佢每個月穩袋廿萬,加上佢平時咁慳,供樓同生活費絕對唔成問題。

幫囡囡入貨

楊思琦與母親及女兒一起 shopping,目標離唔開玩具及故事書,凡事以女兒行先。

忙住食飯

活動後,楊思琦會合母親及女兒用膳。她一向「慳妹」見稱,但半年前開始請助手(右圖)服侍自己,足見她的工作比昔日多。

思琦近日在香港接了不少商場騷,而她亦不介意露一露事業線。

白姐姐撐場

本周一( 28日)思琦出席活動,她承認泊咗有線碼頭,收入比以前多。但講到搵嘉賓,她就顯得避忌。

記:你幫有線主持節目喎!

楊:係呀,個節目係訪問女性嘉賓,了解吓佢哋不為人知嘅一面。嘉賓都好多元化,暫時可以講有白韻琹姐姐。

記:拍檔係黎燕珊?

楊:係呀,我哋分開訪問嘉賓,廠景會一齊拍,八月先開,應該八月尾播。

記:搵嘉賓係咪好困難,聽講黎燕珊搵嘉賓多啲?

楊:有線有好多意見,都有好多適合嘅人選,大家都有提議。

記:有線出手好闊綽喎。

楊:好滿意,好滿意!

記:係咪好多朋友介紹工作俾你?

楊:朋友幫手,工作量比以前多。

記:最艱難嘅日子已經過去?

楊:盡力做,有乜都做,仍需努力喇!

思琦有女萬事足,幾辛苦都會撐落去。不過,離開大台後反而賺多咗,如此看來,未嘗不是塞翁失馬。

上周五思琦與李思欣(右)、阿 Bob及范振鋒到東莞登台,據知全靠黑妹李麗霞幫她搭路。

去年尾在大台拍攝的《大藥坊》,是思琦在大台的告別作。劇中她演鍾嘉欣細媽,與敖嘉年有出軌關係。

黎燕珊有多年的主持經驗,在亞視曾主持《 Eva會客室》,邀請過吳千語、熊黛林、黃百鳴等紅星做嘉賓。

離大台發圍

時移世易,花旦結婚生仔後依然有價有市,而且離開大台後都不愁發展。

郭可盈專拍廣告

○九年誕下女兒後,郭可盈便以湊女為樂,最後的電視劇是 09年的《富貴門》。近年她絕跡幕前演出,偶然接廣告及商場騷,過着少奶奶生活。

羅敏莊舞台劇出位

女兒陳禛在 2012年出生,翌年羅敏莊便離開大台,作多方面發展,去年開首次個唱,今年又參與舞台劇《 DOGS》以及往內地登台。

唐寧拍有線節目

2010年結婚,翌年產子, 2012年更轉投王維基的香港電視。去年拍有線節目《掃毒大家庭》,但她亦有參與組合野佬 MV演出(左圖),今年主力返大陸拍劇。



鍾意就快D Share啦!