2014年8月1日 星期五

[忽然1周 992] 「聲沙沙」明跣經理人 MW,




揞名爆

「聲沙沙」明跣經理人

喺娛樂圈,耐唔耐就聽到藝人同經理人不和嘅新聞,成日都有藝人行出嚟哭訴。不過,凡事都有兩面嘅!好似女歌星「聲沙沙」咁,佢經理人就多得佢唔少嘞。

話說幾年前,「聲沙沙」事業唔多掂嘅時候,經濟自然都唔多掂唔掂嘅程度係佢要走去借「財仔」㖭。 Well,咁人有三衰六旺,理解嘅。之但係,「聲沙沙」喺借錢張 form度,竟然係填佢經理人嘅地址喎。嘩,乜咁大整蠱呀!而劇情嘅發展,當然係「聲沙沙」無如期還錢,「財仔」寄信去佢經理人公司追數,東窗事發啦。

咁經理人都見慣世面,只係好平靜咁拎封信去問「聲沙沙」發生乜事?而「聲沙沙」就扮傻話:「哎呀,唔好意思,我寫錯咗地址!」哦……原來係咁。借問聲,如果淋錯紅油又點計先?做人,可以無錢,但唔可以無品囉。

邊個係「聲沙沙」?

1.曾經紅過㗎。

2.最叻唱慘情歌。



鍾意就快D Share啦!