有傳同古仔分手後，一度要靠舊愛接濟嘅黃𨥈瑩，已經退出幕前兩年，買衫揀平價 uniqlo，好啱數。
同你吟一吟
第一代古嫂黃𨥈瑩 $90蚊一餐
唔經唔覺古天樂入行已經 20年，電視、電影作品多到數唔晒，緋聞女友產量一樣多。
最令人印象深刻，當然要數第一代古嫂黃𨥈瑩。 94年合作處境劇《餐餐有宋家》撻着，但最終敵唔過七年之癢分手。前年拍完《 On call 36小時》後，黃𨥈瑩已經冇續約無綫，先排佢出席佛教活動，話自己已退出娛樂圈，拒絕同現場傳媒做訪問。
唔再做幕前，但話晒當年選港姐攞「最上鏡小姐」，黃𨥈瑩依然有星味。上星期二（八月十二日），佢同朋友喺又一城行 uniqlo買衫，之後去超市排隊買 30蚊兜嘅熟食，仲一口氣買三盒，餓叮番熱就食得。
黃𨥈瑩對衣食冇要求，古仔另一緋聞女友楊恭如，雖然周身名牌，但上個禮拜四（十四日），佢同媽咪行化妝品連鎖店，就買咗一大堆特價眼影同唇膏，邊啲慳得邊啲唔慳得，「見識」多嘅楊恭如，自然比黃𨥈瑩更有見解，更精準。
|
鍾意就快D Share啦！
|
|
|