【短片】【又一筍盤封盤】37歲陳智燊宣佈婚期 迎娶宋熙年BB
2014-08-17 00:11:00
呢頭傲兒BB否認同大佢半個世紀嘅大少林建名發展爺孫戀，另一邊一對璧人——37歲筍盤陳智燊同29歲宋熙年就宣佈三年後成婚喇！恭喜恭喜！
其實早於今年初，兩人一齊出席活動時，雖尚未公開戀情，但已被視為一對。當時記者問陳智燊計劃何時結婚？佢話:「再過3年啦，37歲，年紀唔輕，要娶老婆。」更問宋熙年：「你Buy唔Buy呀？」女方笑言回家考慮吓。
日前(10號)係熙年BB29歲生日，佢就於微博上貼出兩張唔同年份、但都係同陳智燊共度牛一嘅相，公告戀人身份。翌晨男方亦貼第三張另一年份嘅慶祝生日相，暗示兩人拍拖已經三年，男方更冧爆表示，希望年年都可以同BB慶祝牛一，由冇皺紋慶祝到出晒皺紋為止。好浪漫動人!
今日就有周刊報道話，37歲嘅陳智燊之前有感於自己仲係新人，事業根基未穩，故暫時將戀情低調，希望大家注意佢嘅幕前演出多啲。但其實佢都好想可以正正常常大方拍拖，同熙年過正常情侶生活，依家公開咗，佢覺得時機正好，並表示有意於40歲迎娶熙年，雙方亦一早已經見過家長，佢仲好淡定咁話，外父外母一關已過，熙年亦已經見過陳智燊雙親，雙方都係傳統之人，一拍即合，OK埋。陳智燊話:「父母對佢印象OK，佢絕對冇可挑剔之處。」
陳智燊謂，佢同熙年BB都係好認真，而且已視對方為拍拖對象，仲話希望可以好似陳豪、茵媺，或者黎耀祥咁，成為圈中模範夫妻。更難得嘅係，fans都好支持佢兩個一齊，陳智燊更笑言，早於佢同熙年BB一齊主持節目嗰陣，已經有fans估到佢兩個拍緊拖，但當時未係時候講而已。
識睇，一定係睇足英台【英波Live】：
http://soccer.appledaily.com
http://bit.ly/engballlive
陳智燊早於今年年初已暗示想於40歲、即3年後迎娶宋熙年，依家終於可以落實講出口喇!
年年有今日，日日都咁SWEET！
|
鍾意就快D Share啦！
|
|
|