網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月26日 星期二

阿B范姜峇里完婚:給小孩一個交代 范姜,




阿B范姜峇里完婚:給小孩一個交代



其他影片:>>






阿B范姜峇里完婚:給小孩一個交代

【B哥大婚之榮升鍾太】現年61歲的鍾鎮濤(阿B)和拍拖17年的范姜素貞,昨午在峇里舉行浪漫婚禮,為阿B生了兩名女兒的范姜終於有名份,榮升鍾太的她形容心情是超感動,擔任女家證婚人的關之琳,在婚禮上被感動到第一個哭了,跟着一對新人都流下幸福的淚水,在兒女和好友見證下再婚的阿B說:「給范姜一個名份,給小孩一個交代。」

【峇里直擊】拍拖17年並育有鍾懿和鍾幗兩女的鍾鎮濤和范姜,昨午1時30分在峇里的六星級酒店Alila Villas Uluwatu舉行浪漫婚禮,天公造美風和日麗,穿着白西裝的阿B一身白馬王子look,范姜則穿上由鄭兆良設計的V領通花婚紗、女兒鍾嘉晴設計的頭紗,以及戴上婚戒和水滴形珍珠耳環,散發簡約美,榮升人妻的范姜形容心情「超感動」,她還換上另一襲復古短袖婚紗和台灣女星楊謹華合照,不過新娘昨超低調,完成婚禮後沒現身接受傳媒訪問,全程由老公出面發言。



■阿B昨日在峇里與拍拖17年的范姜舉行浪漫婚禮,新娘頭紗是大女鍾嘉晴設計,並繡上「love you mommy」(小圖),份外有意思。

冇請至親長輩

昨午約4時許,行完禮的阿B到酒店門外受訪,再婚的他手上戴了金婚戒,眉飛色舞笑說:「呢隻就係我隻戒指,6千800萬,你信嘅話,可能係本地錢(印尼盾)3億5000萬,哈哈哈!」對於在峇里舉行婚禮,阿B說:「呢次本來想靜雞雞嚟,係朋友話你哋嚟影相,不如順便開派對,喺咁情形之下,所以冇乜請自己親友,連媽媽、范姜母親都冇請嚟,甚至好熟朋友都冇,呢度講聲對唔住,返香港之後會補請各位,希望大家唔好介意。」



■阿B終於讓范姜有名份,給小孩有一個交代。



■譚詠麟、張學友、梁家輝、張家輝、曾志偉、沈嘉偉和邱淑貞夫婦,齊齊着白色dress code賀阿B結婚。



■新郎風騷地向記者晒婚戒。

由於現場有網站傳媒,阿B體貼地用普通話解釋再婚感受和原因:「很開心,本來只想給范姜一個名份,給小孩一個交代,她們常說為甚麼每個同學家裏都有爸爸媽媽的結婚相,為甚麼我們沒有?這就是想結婚的一個意念,我們在一起已經17年,現在結婚更合適更有意義,非常開心,謝謝大家祝福。」

雙語廣播的阿B再用廣東話說:「為咗呢個婚禮,我錄咗四隻歌,兩隻英文舊歌好有意思,鍾懿亦唱咗兩隻歌送畀媽媽祝福,播出嚟大家好感動,大家打賭邊個先喊,但唔係我,證婚人男家係譚詠麟,女家係關之琳,原來第一個喊係關之琳,佢影響到新娘亦都喊,我排第三,但掉轉頭望一望,見到鼻哥紅晒、滿面熱淚係鍾懿同曾志偉。」



■阿B步行到酒店門外接受記者採訪,行到氣喘。記者楊浩賢峇里傳真



■阿B派利是分享喜悅。

年底會再擺酒

阿B和范姜終於名正言順成為夫妻,問有冇預備愛的宣言?阿B笑說:「嗰啲唔使點樣宣,我哋雖然有老夫老妻感覺,但有啲太過初戀嗰種唔使𠵱家講,我哋都心照,結婚係兩個人、成個家庭都好開心。」他表示婚禮沒有伴郎伴娘,反之有很多「星二代」,因為希望讓大人的友誼可延續到下一代。阿B並透露年底11或12月會擺酒,他說:「雖然唔係世紀婚禮大搞,但食餐飯慶祝。」至於有份出席婚禮的譚詠麟(阿倫)、張學友、曾志偉齊齊送祝福,志偉並取笑擔任男家主婚人的阿倫:「最難得證婚人係阿倫,但講啲嘢全部都錯。」學友踢爆:「因為阿倫講普通話,大家聽唔明。」志偉提到婚禮說:「我未見過有婚禮,新郎新娘行入嚟,啲人已經喊。」阿B開心說:「可能係啲音樂啦,呢次唔係兩個人婚禮,係全家人婚禮,老婆頭紗係大女設計,好感激所有朋友嚟。」張家輝則送上祝福:「祝B哥哥B姐姐愛到地球盡頭毀滅時。」

採訪、攝影:楊浩賢、畢紹基



■范姜(左二)換上另一襲復古婚紗,與楊謹華等好姊妹拍照留念。互聯網圖片



鍾意就快D Share啦!