[壹週刊 1279] 紅館睇騷 認有慰問祖名 薛凱琪爆喊 6次 祖名,薛凱琪,房祖名,M1,

本屬平胸的 Fiona，罕有谷出深坑，除了出現魔術胸，設計師也沒錯過她一雙纖腿。

探熱針

紅館睇騷　認有慰問祖名　薛凱琪爆喊 6次

眼淺的薛凱琪，第二度在紅館舉行演唱會，感觸到連喊六次。原來房祖名五月時已答應舊愛做嘉賓，豈料爆出毒案，被北京當局刑事拘留，無法兌現承諾。

唔敢講太多

提到祖名被捕， Fiona說：「佢係我朋友，當然想佢嚟（演唱會）！（有冇嘗試慰問佢？）有！但尊重各方面，內容唔透露，我要尊重同事同公司，同尊重我錫嘅朋友。真係唔可以講太多！」

一二年，薛凱琪處女紅館騷，房祖名任嘉賓，與前度十指緊扣合唱，分手依然卿卿我我， Fiona更將對方所送的長頸鹿公仔示眾，分手男女，關係如昔。今次開騷，原來房祖名亦答應再做嘉賓。

「今年五月，阿 Fi已經同祖名傾好，叫佢再做演唱會嘉賓，祖名亦一口答應。雖然分咗手，但佢哋關係好好，點估到，上個月中祖名喺北京俾人拉咗，而家仲未放出嚟。」 Fiona身邊人說。

承認吸食大麻八年的房祖名，因藏毒和容留他人吸毒被捕，有指最高刑期高達三年。「阿 Fi好擔心！雖然祖名好貪玩，但份人好善良，對朋友完全唔計較，佢最想祖名快啲無事。」

個唱上一番話，充分反映 Fiona內心對房祖名的擔心。「我嘅歌大部分都係屬於堅強硬淨一類，以前細個唔太明白，而家終於知道，無論有咩事，都要笑住面對困難，我應承大家，就算遇到困難，都笑住面對。」

兩年前 Fiona處女個唱手拖手做嘉賓的房祖名，因毒案被拘，無法如期幫前度再出力。

唱到趴地趷籮，被女 dancers從後攬住摸， Fiona變身姣妹。

Fiona自言這個演唱會是她過去十年的濃縮！想到此，即時變喊包。

古惑打底衫

全女班 dancers上陣，另類火辣場面。

再於紅館開騷， Fiona比上次更搏！上台歌衫 deep V、大露背、晒長腿不停換，其中一件 shocking pink歌衫，更令她由零波人變出深坑事業線。

「啲衫係 Thomas Chan設計嘅，佢好識得將阿 Fi嘅優點發揚光大，嗰套 shocking pink歌衫入面有件 Thomas設計嘅打底衫，一著咗就有神奇效果，搞到好有料咁，連阿 Fi都問會唔會太誇張。」一名工作人員說。

今次演唱會 dancers全女班上陣，但不失香艷。 Fiona趴地、趷籮甚至擘晒髀，表現豪放，令現場歌迷不停尖叫。

鍾意就快D Share啦！

下一篇 》