【隨時生得!】大肚人妻陳爽懷胎9月 照着四吋高踭鞋拍廣告
2014-09-11 18:21:00
陳爽腹大便便拍廣告，穩袋六位數酬勞。
大肚人妻陳爽懷胎九個月，隨時生得，不過佢工作仍然忙碌，近期陳爽為雪纖瘦擔任「產前專業孕婦舒緩護理」及「產後體型收復」代言人，並於早前拍攝懷孕時宣傳照，表現美麗孕婦一面。
陳爽本來擔心大肚時，令佢外形走樣，但拍攝當日，陳爽依然靚到爆，加上經過舒緩護理，令身形及心情都進入最佳狀態，故廣告客戶深表滿意。
拍攝當天，陳爽以不同造型拍攝，包括高貴晚裝﹑黑色性感短裙，當然唔少得騷巨肚造型，當日陳爽仲要着住四吋高踭鞋﹑或者趷高雙腳拍攝八小時，但陳爽表現專業，仲擺出多個甫士。
陳爽坦言今次有六位數字酬勞，感到相當滿意，並會將酬勞儲起來，作為孩子教育基金；另外，陳爽表示好珍惜今次同腹中塊肉拍廣告機會，佢話：「今次係第一次同肚內BB拍廣告，希望拍到最好，拍攝過程好順利，效果相當滿意。」陳爽更自爆當日拍廣告時，肚內BB表現興奮，經常郁動，可能知道自己有份「上鏡」，要搶媽媽鏡呀﹗
陳爽現已懷胎9月。
美麗的孕婦。
陳爽表示拍攝過程相當順利。
|
鍾意就快D Share啦！
|
|
|
