得咗！（設計對白）
探熱針
打入大陸 網絡播放率過億 周麗淇大陸發圍
林峯與周麗淇（ Niki）合作的內地劇集《衞子夫》，在網絡播放率超過 1.3億，接近 10億觀看人次，成為收視 No.1。飾演平陽公主的 Niki，不單成功進身內地藝人榜頭十位，連中央電視台亦有意合作；一直無機會躋身國內吸金的她，終於食到胡。
拍劇價三級跳
《衞子夫》八月播出後，在內地收視一直向上攀升，網友爭論林峯飾演的劉徹造型扮相之同時，浙江衞視、安徽衞視的微博對平陽公主的表現同樣作出嘉許， Niki拍劇身價更三級跳。
「加咗少少啦，呢啲等公司搞」周麗淇說。
劇集反應好，據知中央電視台亦打算與 Niki合作。
「有幾套劇傾緊，而家睇緊劇本，自己唔太熟內地市場，最緊要夾到檔期，如果接咗電影就要睇吓啲時間點遷就。」簽入寰亞後，老闆林建岳一直希望可以為 Niki開一套度身訂造的電影。「公司嚟緊有幾部戲會開，有啱角色都會考慮公司 artist，一向都係咁，好正常。」
一級賣埠價
《衞子夫》在浙江衞視、安徽衞視及上海東方衞視的黃金時段播出外，同時亦安排在一個影視網站線上播放，至今已有 10億人次收看，成績超越同時段的所有劇集，成為全國收視冠軍。此外，劇集已成功賣埠到日本和馬來西亞等地，為 Niki開拓海外市場，成功邁進一步。
尚在接受中
○九年在內地拍過《書劍恩仇錄》飾演霍青桐後，事隔五年再拍內地劇，劇集受歡迎，令 Niki在國內人氣創新高。
「套劇收得，平陽公主個角色咁受歡迎，一定要多謝（劉）家豪哥同（梅）小青姐，由當年喺無綫佢哋俾我做拾義妹（《秀才遇着兵》），拎咗好多獎，今次又俾機會我拍內地劇集，真係要感謝佢兩個。觀眾鍾意個角色唔係我一個人功勞，小青姐、家豪哥同班團隊都有份，成為國內第一位係唔容易，呢幾個禮拜收到好多恭喜短訊，睇到網上好多評論，自己都適應緊，但我會繼續努力，希望有多啲唔同角色挑戰。」 Niki說。
有錢途
港台藝人北上搵食，拍劇郁吓都要留守內地兩、三個月起碼，時間換人仔，山大斬埋有柴，如果爆到一個劇，更加隨時賺到笑。
劉愷威
留守無綫多年的劉愷威， 07年將事業重心轉向大陸，憑《千山暮雪》走紅。 12年，他開始自組工作室插手製作，拍劇集《盛夏晚晴天》和《一念向北》；今年更有七部由他擔正的電視劇在內地輪流出街，北上多年，成功娶到國內花旦楊冪做老婆，業績十分理想。
|
鍾意就快D Share啦！
|
|
|
