[壹週刊 1281] 一刀切 前夫痴情 陳法拉避走美國 陳法拉,M1,

探熱針

一刀切　前夫痴情　陳法拉避走美國

去年跟陳法拉分手的 Neway大少薛世恒，早前被本刊拍得跟廖碧兒在法國餐廳慢歎六粒鐘「相睇」飯局，不過大少原來一直對前妻未忘情，同時死𦧲求復合，甚至繼續幫陳法拉交租兼司機任用。不過照顧接受，態度照舊的陳法拉卻不為所動，為了令對方死心，除了帶同「兩公婆」一齊養的肥貓搬走，更決定返美國定居，有工開才蒲頭。

冇得掹

回復單身後，陳法拉返美國修讀短期戲劇課程，過完一個月冷河，才重新投入工作，返內地拍電視劇外，又執舒淇二攤接拍鄭中基處男執導電影《張保仔》做打女。留港時間不多的她，當初因為急住去美國，未有即時搬出何文田愛巢，往後亦繼續坐前夫的七人車出入。

「其實大少係想挽留法拉，所以佢自己搬走，間屋留俾法拉住，仲幫佢交埋租；直到幾個月前租約期滿，法拉唔想再拖拉，索性返咗美國住。大少都知道冇得掹，早排佢交番間屋俾業主，仲影咗張乜都冇嘅吉屋相，將相放咗上 facebook。」知情者說。

陳法拉賺到錢，在美國買了一間價值六百多萬的大屋送給父母。

陳法拉搬走後，薛世恒負責交吉，更拍下吉屋照，睹物思人。

肥貓要移民美國跟女主人，薛世恒在 fb留言十分感觸，指牠也要重過

新生活。

陳法拉跟薛世恒鮮有孖住出席活動，一二年在胞弟薛嘉麟的婚宴，二人坐主家席，證明她薛家大少奶身份。

自言 dry爆的薛世恒，經常參加娛樂圈人聚會，大肚的陳爽（前左二）、跟同是華姐出身的李亞男及倪晨曦打邊爐，他也有出現。

肥貓都走

據知，陳法拉曾向身邊朋友說結婚是她人生一個錯誤決定，要補救這個錯誤，唯有結束關係，去意已決的她就連二人一起養的肥貓，亦送回美國屋企，不留任何牽掛。

「外面啲人話法拉擸咗一大筆贍養費，其實大少唔係咁有錢，佢同法拉結婚後只係喺大陸買過間百幾萬嘅 house俾老婆，法拉一幢，佢自己一幢，兩間屋好近，不過法拉都話唔會住。」

要返美國跟家人一齊住的陳法拉，唔介意做空中飛人，有工作便飛，就連跟陳慧琳經理人鍾珍也沒有簽合約。「法拉唔想俾合約綁死，有工作先返香港，咁對大家都公平。」知情者說。

離婚後，搏殺格的陳法拉接拍電影《奇幻夜》，跟林家棟有床上戲外，更有著住內衣褲的性感場面。

跟 Hot Cha成員之一的 Regen傳過緋聞，但離婚後一直沒有下文。

在無綫已經做一姐的陳法拉，近年主攻內地市場，拍電視劇《風中奇緣》，在國內知名度不高的她也要放下身段做女二。

薛世恒雖然放不低前妻，但仍然不放過機會拍拖，早前就被本刊拍到跟一度是陳法拉死敵的廖碧兒食飯相睇。

離婚後半年，陳法拉依然坐薛世恒的七人車出入，及住在二人的舊愛巢。

陳法拉○五年獲國際華裔小姐亞軍，父母亦有來港支持。

在薛世恒的 facebook，放有九個對他有影響的人物，陳法拉是其中一人。

鍾意就快D Share啦！

下一篇 》