[壹週刊 1281] 陳小春妄想買 iPhone 6 iPhone 6,陳小春,小春,政治時事,M1,

就算冇校定鬧鐘起身開腦撳 F5，都應該知道 iPhone 6難買，陳小春居然諗住求其行入電器鋪買到，奇！

同你吟一吟

陳小春妄想買 iPhone 6

自從 96年拍咗第一部《古惑仔》，陳小春靠「山雞」一角「行古惑」，由仔變佬到養妻活兒，搵長錢。

上個禮拜四（九月十八日），小春一支公去咗圓方 shopping，行咗三間眼鏡鋪搵黑超，其間經過一間 BB衫鋪，小春係咁意入去望吓有冇嘢啱囝囝 Jasper。之後轉去百老匯睇耳筒，除低副超嘅小春忽然山雞上身，手指指示意店員攞啲耳筒俾佢試；玩咗一大輪，店員仲 sell埋潮人最愛嘅 Beats俾佢，諗住實做得成生意，點知小春醉翁之意不在耳筒，臨走時問咗句：「 iPhone 6有冇貨？」

嘩！如果咁容易就買到 iPhone 6，大家就唔使晨早 8點鐘對住部電腦，撳爛 F5個掣

店員以為陳小春會幫襯，攞埋新貨出嚟（紅圈） sell佢，點知原來係運吉。

足足行咗三間眼鏡店，小春終於揀到心水超。

行入童裝店五分鐘就走，囝囝 Jasper冇新衫。

小春是日行程相當緊密，去完 agnès b.睇衫，再去萬寧買嘢，最後一站係星巴克，買完咖啡先走人。

鍾意就快D Share啦！

下一篇 》