[FACE 383] 孖住離家 《愛．回家》撻着 1年 羅天宇湯洛雯首爾蜜遊 羅天宇,湯洛雯,MF,

機艙挨埋

飛機途中，湯洛雯成個頭挨咗落羅天宇膊頭，仲揸住本首爾旅遊書，點睇都唔似朋友咁簡單

真面目

孖住離家　《愛．回家》撻着 1年　羅天宇湯洛雯首爾蜜遊

日久生情，拍劇最易撻着，尤其電視台咁多靚女出入，如果你屋企有貨時間又多，大台都不失為溝女好地方。

喺《愛•回家》做怕醜仔嘅羅天宇，實情溝女技巧異常高超。 08年選港男後，身邊一直未愁過冇女。上年仲同劇中拍檔湯洛雯撻着，前週四（ 11日）二人仲趁有 3日冇通告，即飛去首爾開心吓。不過羅天宇死撐話：「我哋係朋友啫，都唔知有冇得發展㗎！」。吓？咁都唔係女友？唔係啩？

其他影片：>>情侶裝遊首爾　羅天宇湯洛雯機艙甜蜜蜜

26歲羅天宇於 08年參加港男入行，終於喺《愛．回家》捱到個穩定角色撈吓。事業剛起步，女人緣更一直暢旺。

前週四（ 11日），羅天宇和湯洛雯趁住《愛．回家》冇通告，一齊到首爾閃速旅行。所謂寧被人知莫被人見，佢兩個全程都相當避忌。上咗飛機後，湯洛雯先放低警戒心，挨咗落羅天宇膊頭小睡片刻。去到首爾兩個雖然前後腳行「扮單拖」，但出名細心嘅羅天宇仲幫湯洛雯拉喼，又負責問路 book車，相當 gentlemen。雖然佢哋做足晒男女朋友應該做嘅嘢，但係羅天宇上星期五（ 19日），仍然死撐話：「我哋同行有 4個人去㗎，（幾時正式公開女友？）我哋係朋友啫。（見過你媽咪未？）冇呀！都唔知有冇得發展㗎！但佢係一個好好好嘅女仔！」咦？唔通佢嗰兩個朋友係隱形俠？

輕裝上路

去首爾 3日，兩人行裝相當方便。羅天宇得一個背包跟身，湯洛雯就得 1個細喼，全程由羅天宇拖住。兩人同樣上身白下身黑，低調情侶裝

黑超情侶

二人搭早機，兩人全程帶黑超，機上羅天宇食唔停，反而湯洛雯就冇咩胃口，發呆睇電視。

落機後，可能兩位怕有港人認得，所以刻意分開行，不過就冇羅口中嘅朋友同行喎！

慳坐巴士

二人今次旅行相當慳家，除咗搭經濟客位外，亦去詢問處問坐巴士路線。

羅天宇、湯洛雯二人上年因拍《愛•回家》撻着，二人喺劇中同林師傑（木偶哥）有三角關係。

電視圖片

怕醜仔食女唔使用劍嘅！

怕醜仔羅天宇，除咗外形靚仔，家人喺蠔涌路成豐片場開燒烤場及茶餐廳生意，都算係太子仔。難怪佢溝女戰績亮麗，舊愛有華姐冠軍苟芸慧，現任亦係港姐湯洛雯。問到佢溝女有咩心得，羅天宇好怕醜地答：「唔好意思，我唔識答呢啲問題。」天生溝女王，識都唔教你

嗒過𡃁模

09年拍《南華夢飛翔》，開拍冇耐即同劇中對手 DaDa Lo（盧頌之）拍拖。

飲過咖啡

同𡃁模 DaDa Lo拍拖幾個月就甩拖。羅天宇又同《南華夢飛翔》另一拍檔 Coffee撻着，二人仲拍下唔少親蜜照。

食埋女神

11年羅天宇失驚冇神溝到宅男女神苟芸慧，可惜二人拍拖期間備受壓力，終係 12年中分手。

拖過細妹

同湯洛雯拍拖前，羅天宇亦同過劇中飾演其胞妹嘅蔣家旻拍拖，二人被拍得喺無綫飯堂撐枱腳。

鍾意就快D Share啦！

下一篇 》