晚飯食足個半鐘，唐詩詠全晚 keep住擺呢個 pose聽拿拿淋講嘢。 TB對靚女，認真有辦法。
全知言
失戀詩詠又搵 TB
同崔建邦離離合合多年嘅唐詩詠，終於得到解脫，皆因邦邦已經另尋新歡，而唐詩詠亦不得不接受現實，過番一個人嘅生活。
雖則話同洪永城有待發展，冇咗邦邦嘅唐詩詠，冇搵忙住拍《張保仔》嘅洪永城，反而身邊就有個同佢成日孖公仔嘅 TB密友，前港台 DJ拿拿淋（李慧娜）。上週三（ 17日），唐詩詠出席完活動之後，就上咗拿拿淋車，去咗將軍澳坑口村食晚飯，難得大熱天時，唐詩詠又唔介意踎大排檔，二人搵咗個角落頭位，叫咗條魚，一人一個椰青就起勢傾，雖然全知言聽唔到佢哋傾咩，但係詩詠 keep住都有笑容，仲輕托香腮，望實拿拿淋。點解靚女身邊都總會有 TB？咪就係咁多年嚟喺呢啲寂寞時候，總會有細心過男人好多嘅 TB陪實囉。
|
鍾意就快D Share啦！
|
|
|
