上週六（ 20日），鋒菲被傳媒拍到密室共對 80小時。期間二人煮飯仔做家務依偎梳化，情深時王菲甚至主動兩次索吻，被稱為世紀復合。搜狐娛樂圖片
封面
鋒菲復合 即晚開 P 栢芝隊酒攬仔示威
真係要引用家嫂吳君如喺《家有囍事》入面句金句：「乜又係你呀，陳生！」
之唔係又係你……哋囉！王菲、霆鋒、同栢芝，恩怨情仇 14年，鑊鑊新鮮鑊鑊甘，相戀、擘腿、分手、復合、再分手、分別結婚、再分別離埋婚……最新發展， 45歲王菲再次翻撻 34歲霆鋒，哄動全中國；而同一邊廂，栢芝亦都流出入院吊鹽水病相贈慶，高潮迭起！
你以為前妻激到入廠咩？咁又錯喎！本刊起出栢芝極隱私人 Instagram帳號，原來入院舊相，只係強國電視台抽水翻炒。上週六「鋒菲」爆復合，栢芝當晚又開 P又開酒，冇喊冇入廠仲識留言：「 keke」笑添！都話呢套係連續劇嚟啦，未到大結局，都未知邊個終極贏家，栢芝只係落場攤唞下，待續。
真係人生如戲、戲如人生，《真情》同《愛•回家》班編劇都未必寫得出嘅史詩式長篇京港姊弟愛情鉅作歷時 14年後，再次進入高潮位。上週六，內地傳媒曝光寸步不離跟拍四日四夜成果，踢爆分別離婚後嘅霆鋒、王菲在北京公寓內共度 80小時，煮飯仔瞓大脾仲咀嘴添，正式復合。
二人重聚小心翼翼、霆鋒更是四日足不出戶，不過王菲獨個在超市入貨、座駕又與霆鋒保姆車同行而暴露蛛絲馬跡。上香閨前，王菲亦被拍得逛傢俬店。
3月巴黎翻撻
消息在網上瘋傳，傳媒即時聯絡當事人求證。首先回應的霆鋒經理人霍汶希不否認，只發聲明譴責偷拍行為；而出發往成都商演的霆鋒，則透過短訊答覆：「我𠵱家喺飛機度，唔回應喇，謝謝！」至於王菲經理人陳家瑛則完全被蒙在鼓裡，先否認再了解後才表示：「我很為她開心！」
自從去年 9月離婚，王菲被多次被傳出與霆鋒恢復聯絡，其實愛火當然不是一朝一夕，全靠老友趙薇穿針引線就真。今年三月，霆鋒身在趙薇於法國的酒莊錄影《十二道鋒味》，王菲也恰巧身在巴黎時裝節，盛傳兩人在巴黎「世紀重逢」，王菲當時對傳媒回應：「這是幻想來的，怎樣回應！」據悉，選在三月時裝周前後，到趙薇酒莊錄影絕非巧合，實屬霆鋒刻意安排，天時地利再加向王菲閨蜜趙薇落足嘴頭，王菲先肯與霆鋒在巴黎飯聚。
開紅酒賀「鋒菲」
當年 20歲，已經迷暈大姐姐王菲，經過時間洗禮，霆鋒外型成熟事業又成功，不過冧女技倆其實仍然靠甜言蜜語，最慘 45歲的王菲內裡仲藏住一顆少女心，最受又係呢套。
「鋒菲」翻撻令唔少人 O嘴，前妻栢芝亦傳出錄影節目病倒入廠，完全達到戲劇效果。原來錄影節目和入院，是在本月 14日時發生，當全世界以為栢芝暗自垂淚時，本刊發現她一早已從內地回到現時定居的新加坡，還在「鋒菲」復合曝光後三粒鐘，即本月 20日，自隊紅酒自鋪 Instagram，仲留言「 Drink drink sin keke」，無病無痛無眼淚的栢芝笑笑口，心情不知幾輕鬆！
絕密 ig露行蹤
冇再留戀霆鋒
栢芝 Instagram私人帳號，僅僅關注 31位朋友、及得 49位追蹤者，社交圈子不大亦不公開，不過更新卻極快極頻密。
近三百張相片多為栢芝移居新加坡後的生活照，可見這個單親媽媽生活重心除了一對寶貝仔，其實亦多姿多彩；有工作、有朋友，亦不乏不同國籍異性陪在身邊把酒同歡。少接戲少曝光，栢芝近年只間中北上拍廣告，擔任真人騷嘉賓，其他時間主要留在新加坡一對兒子身邊供書教學、陪伴玩樂。據知情人士透露，除了因霆鋒對兒子不聞不問而失望外，栢芝並沒有再留戀前夫，在新加坡展開全新生活的栢芝，其實亦漸漸融入當地交到知心朋友，當中更不乏追求者，隨時 ready第二春！
王菲暗寸邊個？
身為栢芝前度經理人，向太在鋒菲復合消息後多次發言揶揄鋒菲撐栢芝；而王菲則悄悄按了網友轉發的向太死對頭星爺金句， like埋「輪到你這妖怪來反對？」！嘩，邊個係妖怪呢？
轉軚大師
03年與霆鋒首度分手後性情神化極易激動，栢芝 04年突然宣布信耶穌，同年開拍《旺角黑夜》亦拒絕開鏡拜神。不過十年間轉軚無數次，最近才重投主耶穌懷抱。
13年又番兜
帶着一對兒子在加拿大暫住，被拍到手腕最新十字架紋身。據悉近年得鄭明明帶領，重返教會重信耶穌。
|
鍾意就快D Share啦！
|
|
|
