掃呢頁CODE去手機

2014年9月24日 星期三

[FACE 383] 鋒菲復合 即晚開 P 栢芝隊酒攬仔示威 鋒菲,王菲,栢芝,謝霆鋒,MF,




上週六( 20日),鋒菲被傳媒拍到密室共對 80小時。期間二人煮飯仔做家務依偎梳化,情深時王菲甚至主動兩次索吻,被稱為世紀復合。搜狐娛樂圖片

封面

鋒菲復合 即晚開 P 栢芝隊酒攬仔示威

真係要引用家嫂吳君如喺《家有囍事》入面句金句:「乜又係你呀,陳生!」

之唔係又係你……哋囉!王菲、霆鋒、同栢芝,恩怨情仇 14年,鑊鑊新鮮鑊鑊甘,相戀、擘腿、分手、復合、再分手、分別結婚、再分別離埋婚……最新發展, 45歲王菲再次翻撻 34歲霆鋒,哄動全中國;而同一邊廂,栢芝亦都流出入院吊鹽水病相贈慶,高潮迭起!

你以為前妻激到入廠咩?咁又錯喎!本刊起出栢芝極隱私人 Instagram帳號,原來入院舊相,只係強國電視台抽水翻炒。上週六「鋒菲」爆復合,栢芝當晚又開 P又開酒,冇喊冇入廠仲識留言:「 keke」笑添!都話呢套係連續劇嚟啦,未到大結局,都未知邊個終極贏家,栢芝只係落場攤唞下,待續。







真係人生如戲、戲如人生,《真情》同《愛•回家》班編劇都未必寫得出嘅史詩式長篇京港姊弟愛情鉅作歷時 14年後,再次進入高潮位。上週六,內地傳媒曝光寸步不離跟拍四日四夜成果,踢爆分別離婚後嘅霆鋒、王菲在北京公寓內共度 80小時,煮飯仔瞓大脾仲咀嘴添,正式復合。

二人重聚小心翼翼、霆鋒更是四日足不出戶,不過王菲獨個在超市入貨、座駕又與霆鋒保姆車同行而暴露蛛絲馬跡。上香閨前,王菲亦被拍得逛傢俬店。

3月巴黎翻撻

消息在網上瘋傳,傳媒即時聯絡當事人求證。首先回應的霆鋒經理人霍汶希不否認,只發聲明譴責偷拍行為;而出發往成都商演的霆鋒,則透過短訊答覆:「我𠵱家喺飛機度,唔回應喇,謝謝!」至於王菲經理人陳家瑛則完全被蒙在鼓裡,先否認再了解後才表示:「我很為她開心!」

自從去年 9月離婚,王菲被多次被傳出與霆鋒恢復聯絡,其實愛火當然不是一朝一夕,全靠老友趙薇穿針引線就真。今年三月,霆鋒身在趙薇於法國的酒莊錄影《十二道鋒味》,王菲也恰巧身在巴黎時裝節,盛傳兩人在巴黎「世紀重逢」,王菲當時對傳媒回應:「這是幻想來的,怎樣回應!」據悉,選在三月時裝周前後,到趙薇酒莊錄影絕非巧合,實屬霆鋒刻意安排,天時地利再加向王菲閨蜜趙薇落足嘴頭,王菲先肯與霆鋒在巴黎飯聚。

00年初,鋒菲首度傳出緋聞,同年 6月,梁朝偉憑《花樣年華》獲得康城影帝在港慶功,道賀的王菲離場時主動拖起謝霆鋒公告戀情。圖片

02年霆鋒背住王菲暗撻栢芝,兩人分手三年後復合又結婚,不過生下兩名兒子後於 11年 8月正式離婚。網上圖片

開紅酒賀「鋒菲」

當年 20歲,已經迷暈大姐姐王菲,經過時間洗禮,霆鋒外型成熟事業又成功,不過冧女技倆其實仍然靠甜言蜜語,最慘 45歲的王菲內裡仲藏住一顆少女心,最受又係呢套。

「鋒菲」翻撻令唔少人 O嘴,前妻栢芝亦傳出錄影節目病倒入廠,完全達到戲劇效果。原來錄影節目和入院,是在本月 14日時發生,當全世界以為栢芝暗自垂淚時,本刊發現她一早已從內地回到現時定居的新加坡,還在「鋒菲」復合曝光後三粒鐘,即本月 20日,自隊紅酒自鋪 Instagram,仲留言「 Drink drink sin keke」,無病無痛無眼淚的栢芝笑笑口,心情不知幾輕鬆!

絕密 ig露行蹤

當全世界以為栢芝入院吊鹽水之際,其實她人在新加坡,更新私人 Instagram,自拍自隊,樣貌輕鬆自在。網上圖片

栢芝話「 drink drink sin」的紅酒是 07年產法國貨,零售價港幣$568,算中價貨色。網上圖片

就在鋒菲復合消息暴光前,連續兩日有一位型男出現在栢芝 Instagram相簿,栢芝還甜笑緊緊依偎在型男身邊;而這位型男坡仔則在自家 ig留言:「 Big hugs Ceci!」,好 friend喎!網上圖片

其實型男是新加坡潮人兼 blogger Darius Chia,去年獲得新加坡十大最佳衣著人仕,並且已有未婚妻。網上圖片

據悉最近又再虔誠信耶穌的栢芝,身邊好友多為教友,鋪相鋪文亦不忘為現時充滿新生活感謝神。網上圖片

其實除了一對兒子和工作賺錢,從栢芝相簿可見她也不乏私人社交生活,早已融入新加坡生活。網上圖片

栢芝私人 Instagram得 31個極密朋友,而她的關注名單亦只得衞詩、 Wing Shya、化妝師 Rick Chin及 C AllStar釗峰四個圈中人。

鋒菲世紀復合新聞瘋傳無耐,江蘇衞視微博圖文並茂發布栢芝腸胃炎入院消息。實情係拿五日前舊相抽水宣傳新節目。網上圖片

網上圖片

冇再留戀霆鋒

栢芝 Instagram私人帳號,僅僅關注 31位朋友、及得 49位追蹤者,社交圈子不大亦不公開,不過更新卻極快極頻密。

近三百張相片多為栢芝移居新加坡後的生活照,可見這個單親媽媽生活重心除了一對寶貝仔,其實亦多姿多彩;有工作、有朋友,亦不乏不同國籍異性陪在身邊把酒同歡。少接戲少曝光,栢芝近年只間中北上拍廣告,擔任真人騷嘉賓,其他時間主要留在新加坡一對兒子身邊供書教學、陪伴玩樂。據知情人士透露,除了因霆鋒對兒子不聞不問而失望外,栢芝並沒有再留戀前夫,在新加坡展開全新生活的栢芝,其實亦漸漸融入當地交到知心朋友,當中更不乏追求者,隨時 ready第二春!

復合消息曝光翌日,霆鋒心情靚靚飛往成都商演,一晚後又再飛回北京王菲身邊。拍拖有時間,不過離婚三年,與一對兒子見面時間就少之又少。網上圖片

網上圖片

反觀栢芝,離婚後全副心機放在兒子身上,被各地市民偷拍過獨個湊仔,其私人 Instagram相簿一樣大半是湊仔相。網上圖片

囝囝霆鋒又再戀上王菲,周一( 22日)狄波拉與丈夫現身,但對所有問題不作回應,但表情就笑晒好開心囉!

王菲暗寸邊個?

身為栢芝前度經理人,向太在鋒菲復合消息後多次發言揶揄鋒菲撐栢芝;而王菲則悄悄按了網友轉發的向太死對頭星爺金句, like埋「輪到你這妖怪來反對?」!嘩,邊個係妖怪呢?

網上圖片

網上圖片

轉軚大師

03年與霆鋒首度分手後性情神化極易激動,栢芝 04年突然宣布信耶穌,同年開拍《旺角黑夜》亦拒絕開鏡拜神。不過十年間轉軚無數次,最近才重投主耶穌懷抱。

09年跟奶奶

網上圖片

嫁俾霆鋒初期與奶奶狄波拉關係極親密, 09年霆鋒身在泰國拍攝《風雲 II》,栢芝飛去監場仲陪奶奶拜埋四面佛;其後栢芝亦佛牌跟身(上圖)。

11年傳養鬼仔

網上圖片

與霆鋒婚變期間一度改信泰國佛,心口掛佛牌又盛傳在陽明山莊豪宅內僻室供養鬼仔。後來養鬼反被鬼仔玩,有傳求助基督狂熱份子高皓正驅鬼。

13年又番兜

帶着一對兒子在加拿大暫住,被拍到手腕最新十字架紋身。據悉近年得鄭明明帶領,重返教會重信耶穌。

網上圖片

網上圖片

好亂呀!



鍾意就快D Share啦!