掃呢頁CODE去手機

2014年9月24日 星期三

[FACE 383] 男士恩物 明錫羅仲謙 姣精蔡思貝暗拖奀星 蔡思貝,羅仲謙,MF,




19/9

劇中蔡思貝同羅仲謙係一對,所以有唔少親熱場面。上週五( 19日)二人喺十份吊橋拍攝接吻戲,性格爽朗嘅蔡思貝拍吻戲絕不扭擰, 2個 take就搞掂!

真面目

男士恩物 明錫羅仲謙 姣精蔡思貝暗拖奀星

上年港姐亞軍蔡思貝,當選後即被大台力捧,出道未夠一年,已經喺重頭劇《衝線》孭飛做女一。事業上位,鬼妹仔性格除咗冧掂高層,亦令佢成為電視城新姣精,合作過的小生都幾乎被佢電暈。上周《衝線》到台灣取景,已同大隻舞男麥秋成拍緊拖的蔡思貝,除咗同劇中男主角羅仲謙拍咀戲,鏡頭後竟然同有模女友嘅《巨聲》「大孖」周志文玩摸手仔,又向對方撒嬌。上周風大雨大的台灣好彩仲有蔡思貝發熱啫。








蔡思貝鬼妹仔性格喺電視城出晒名,早前被本刊拍得穿超短裙踩單車返工。

大台花旦走剩冇幾,造就上屆港姐亞軍蔡思貝同冠軍陳凱琳極速擔大旗。 23歲蔡思貝出道未夠一年已經在新劇《衝線》做女一。除咗樣靚有身材,曾經在新西蘭及德國讀書的蔡思貝亦有鬼妹仔性格,台前幕後統統被佢冧掂。上年拍《八卦神探》就傳他同劇中拍檔鄭俊弘有曖昧。

連啜兩次

經過電視台一年操練,蔡思貝電力有增無減。早前就被本刊拍得同大隻舞男麥秋成拍拖同居,男方更接載送女方去電視城開工。點知上星期《衝》劇到台北取景,冇男友睇實,蔡思貝即刻放電,就算對方有女友都一樣唔放過。

上週五( 19日)劇組到十分取景,其中更有咀羅仲謙戲分,雖然蔡思貝拍劇經驗少,但拍接吻戲一啲唔怕醜。未 roll機蔡已經捉實羅仲謙,難得新人都咁「入戲」,導演拍咗兩個 take,每次鍚足 3秒就收貨。

雖然拍咗兩個 take,但每次啜啜都有 3秒咁耐,兩個都幾投入㗎!

除咗冧掂《巨聲》大孖,另一男主角沈震軒亦中電,拍攝時台灣正打風,沈震軒就為蔡思貝擔傘,仲搭埋對方膊頭添呀!

大孖摸姣港姐手仔

充滿電力嘅蔡思貝,幾乎電暈劇中所有男演員。其中本身已有模女友袁聖殷的大孖周志文,簡直最「食電」,唔只埋位前同蔡思貝拖手仔,兩個仲要超埋身傾偈。

把脈手

埋位前蔡思貝忽然鬧情緒,周志文即刻拉佢埋身,點解好似把脈咁嘅?

掂到實

周志文狀甚關心蔡思貝,而且手仔依然掂住唔放,好 close喎!留意蔡思貝嘴扁扁,撒緊嬌㗎!

頭黐頭

二人愈傾愈埋,近到蔡思貝可以用周志文副太陽鏡反望自己個樣,咁樣調情有邊位小生頂得住呀?

「我哋好開心!」

冧掂對手羅仲謙唔難。二人對手戲多,冧得掂當然是常識,估唔到蔡思貝連三線、《巨聲》出身的「大孖」周志文都唔放過。由於二人同場戲份多,所以火速熟絡。二人除咗 ig互相關注外,當日與羅仲謙拍咀戲前,蔡思貝亦忽然向周志文撒嬌;而周志文亦相當受落,拉對方埋身,更幾乎面貼面傾偈。

週一( 22日)劇組休息。蔡思貝同一眾演員到附近食日本菜,期間即使有吳若希同場,蔡思貝都寧願坐周志文及羅仲謙隔籬。飯後本刊記者上前問蔡思貝怕唔怕傳出緋聞,蔡風騷回應:「 OK嘅!我哋一家大細都好開心嘅!」

18/9

22歲吳若希出名長腿,當然成日騷,估唔到大 5年 27歲嘅林夏薇照跟妹妹仔,二人造型十足台灣辣妹。

22/9

週一( 22日)《衝》劇日間唔使開工,蔡思貝即約一眾劇中好友出街食午飯,包括同佢玩摸手仔的周志文及「大隻仔」溫家偉。

死要坐隔籬

一齊食日本菜,同枱有吳若希。不過蔡思貝係要坐喺羅仲謙、周志文中間,期間仲望實謙謙放電,楊怡小心呀!

大台跟得快

大台出名「反應」快,見鄭中基拍《神秘寶藏》講張保仔,佢哋即刻整套《張保仔》;見金像導演林超賢拍緊講述單車選手嘅《破風》,佢哋又即刻趕製呢套《衝線》,真係追得好貼喎!

《破風》男二為 Super Junior的韓國靚仔成員崔始源,出名有樣有身形,《衝線》男二沈震軒就似乎同佢有段距離。

《破風》由彭宇晏孭飛,《衝線》男一就係羅仲謙,不過好似謙仔比彭宇晏仲激凸。



鍾意就快D Share啦!