掃呢頁CODE去手機

2014年10月16日 星期四

[壹週刊 1284] 比大台有良心 亞姐王家敏:有 224蚊車馬費! 亞姐,王家敏,亞洲小姐,M1,




探熱針

比大台有良心 亞姐王家敏:有 224蚊車馬費!

無綫賺錢照裁員減騷,刻薄成性!反而不停傳出賣盤,被指拖欠員工薪金的亞視較有人性;亞姐王家敏,日前獲發放二百二十四蚊車馬費。

二百幾蚊雖然好細數目,但在公司水乾情況下,收到錢,就感動!

唔知幾時出糧

亞視賣盤近日又傳得鬧哄哄!週日(十月十二日)在海洋公園搞「哈囉喂」活動,一班候選亞姐及亞男全部出齊,就算亞視無糧出,仍繼續留低參加比賽,亞視方面亦聲稱今個星期內會有定案,落實新買家。

選美繼續,一班要養家員工,最緊要有糧出,財困亞視亦盡量配合,約滿離職的藝人鄭伊娜,有得攞錢走人。

「大家都問住公司幾時有糧出,不過呢幾日都陸續出番啲車馬費俾我哋,喺咁嘅情況,公司已經好有人情味,好過無綫,出活動做騷,得個 TV Buddy或者水杯。」亞視員工說。

在紅磡置富都會商場幫家人看鋪的前亞姐王家敏,亦承認獲亞視發放車馬費,只是未知幾時才有糧出。

「其實都唔係第一次出啲咁嘅消息(指賣盤),係有啲擔心,要生活又要還卡數,希望盡快解決到,不過公司出番做活動嘅車馬費俾我,有二百二十四蚊。」王家敏說。

亞視欠糧,但車馬費照出。

無綫藝人對騷錢以公仔及水杯代替,大都敢怒不敢言,死忍。

在無綫做騷只有 TV Buddy、水杯,不過無錢收。

關鍵在續牌

騎呢王征聞到味冇得續牌,故在近半年積極搵買家出售亞視股份。

亞視易主拉鋸,除了價錢,亦牽涉續牌方面。一○年王征揸弗後,長期接近零製作零收視的亞視不斷被投訴,絕對有可能影響續牌機會,加上跟前高層雷競斌的官司十一月中開審,有指王征隨時會因為干預亞視內部運作而孭官司,因此,他亦急於十一月中續牌前,將股權售出。

「王征都知政府有可能唔同佢續牌,所以半年前已經周圍搵買家,華懋同李兆基都話冇興趣,港視王維基近排都仲有傾過,不過價錢傾唔掂;最大機會都係呂志和,佢應該會聯埋楊受成同林建岳一齊搞,只係嗰兩個就唔出面。大家都知亞視唔會賺錢,落疊只係為討阿爺(中央)歡心,幾個 party一齊做,出血都冇咁傷囉!」知情者說。

有指呂志和、林建岳及楊受成會聯成一線,一齊搞起亞視。

身家過千億的李兆基早已拒絕入股亞視,冇興趣玩電視台。

同屆冠軍馮雪冰,曾經大爆跟王征到北京出席活動時要陪客食飯,未及卸任就離開亞視。

亞視繼續搞選美活動,有候選亞男露口風指在港期間的食住都由亞視包辦。

冇工開的日子,王家敏返鋪頭幫手,以及做義工賣旗。



鍾意就快D Share啦!