掃呢頁CODE去手機

2014年10月16日 星期四

[壹週刊 1284] 特殊身份 大晒 黃秋生目中無黎耀祥 秋生,黎耀祥,黃秋生,M1,




探熱針

特殊身份 大晒 黃秋生目中無黎耀祥

影帝黃秋生紆尊降貴,幫大台拍新劇《梟雄》,點知谷到一肚氣,包括事前講好去上海拍外景要有五星級酒店住宿,但大台臨時諗縮數只肯俾一半,搞到黃秋生要罷拍抗議先收到科。

除咗失驚無神唔認數,影帝埋位後,發覺劇本鬆散冇厘戲味,以為大製作但又缺乏大場面,黃秋生愈拍愈無癮,在片場內經常師傅到!生人勿近唔願同其他演員交流外,黃秋生亦不時遲到早退,有時更要劇組遷就,先拍晒他的戲份,結果,辣㷫同樣是男主角、要經常喺酒店白等嘅視帝黎耀祥。

互當透明

兩人拍完對手戲迅速分開,就算他們擦肩而過,都當對方透明,毫無交流。

彈劇本

記者採訪當日,黃秋生開工時間由早上五點拍到傍晚六點,而黎耀祥就五點開工,拍兩場戲九點半就收工。

拍慣電影的黃秋生,突然接拍大台師奶劇《梟雄》,但開工無耐,已經知道「出事」,頭五集劇本到手後,發覺劇情毫無戲味,節奏鬆散連對白都唔通順,屬於「小學雞」創作,搞到影帝忍唔住公開批評大台:「啲編劇太後生,文句組織有啲亂,所以我會自己改劇本。」

劇組拉隊去上海拍外景,據了解,拍到火都嚟埋的黃秋生,為了盡快收工離組,要求先跳拍自己的戲份,同樣是男主角的視帝黎耀祥,因此大受影響,白坐冇工開。據觀察,由十月一日到十月六日期間,黃秋生日日有通告,黎耀祥只開了三日工,其餘時間,滯留酒店。

「祥仔(黎耀祥)都拍得好唔高興,覺得秋生有好多特權,公司大細超得太明顯,因為戲份集中晒喺秋生度,佢已經同監製投訴過,但最慘係要成日等,有時幾日都唔使開工,好彩開到工又拍一、兩場戲就收,因為啲通告係就晒秋生啲時間,唔係跟場口同劇本,所以跳得好犀利。」黎耀祥身邊人說。

分開對稿

埋位前導演要同兩位主角對戲,但黃秋生同黎耀祥借意唔一齊對,要導演嘥時間分開兩次對。

唔同枱食飯

上月尾湯鎮業生日(上圖),一班演員替他慶祝,黃秋生冇份出席;黎耀祥約埋湯鎮業、張國強及李家聲飲酒,同樣冇預黃秋生份。

幾乎每晚收工台前幕後都會一齊食飯,就算只屬客串的馬國明及唐詩詠都有出席,例牌唔見黃秋生。

要住五星級

開工前,黃秋生同大台講掂數要住五星級酒店(左圖),唔同劇組住三星賓館。

零交流

探班當日,黃秋生同黎耀祥有對手戲,同是凌晨五點通告化妝,不過視帝一早起身,拍得兩場戲朝早九點半就收得,影帝就直落,拍到傍晚六時才收工,十分緊湊。

現場所見,影帝視帝零交流,因為兩位大帝唔願企埋一齊,導演講解劇情亦分開進行,拍完車上對手戲後,二人便互當透明,黃秋生更一度用背脊加遮,「得」住黎耀祥。

除了黎耀祥,劇中其他演員都盡量同黃秋生保持距離,收工大家吹雞食飯,也不會「高攀」影帝;而上月底一班演員慶祝湯鎮業生日,黃秋生都無蒲頭,每日收工,影帝只與兩名女助手返酒店食外賣,十分離群。

拍到打喊露

大台閂水喉,所以之前講好的大場面 cut得就 cut,黃秋生在戲中多數都係行行企企,難怪拍到瞌眼瞓。

黃秋生話明會改劇本,當然亦會指點人做戲,後輩吳卓羲最「受惠」。

黃秋生喺上海都經常撐起雨傘,佢唔係支持緊香港雨傘革命,而係太多人圍觀影相,他發老脾遮住自己。

睇勻全劇,難得黃秋生肯睬吓胡杏兒,拍完戲之後,都有主動同她傾偈。

見人潮太多,黃秋生話影響情緒拍唔到,拍吓籮柚就上車走人,提早收工。

胡杏兒十分識做,送酒俾黃秋生,難怪唔使受到黑面對待。

愈幫愈火

收視每況愈下,大台要急召舊將回巢助陣,可惜慳慣亦是但慣,拒與時並進,令不少回巢聲援的大牌怨聲載道。

亂發通告

12年,張智霖幫大台拍《衝上雲霄 2》,遇上助導( PA)亂發通告兼安排混亂, Chilam在微博公開怒轟 PA,更提議他們該另謀高就,搞到監製陳維冠要為此向他道歉。

回巢遭冷落

當年不滿無綫涼薄開工時間又長而離巢的黃日華, 09年重返娘家拍《刑警》,收視成績雖然不俗,但仍遭大台冷落,黃日華冇晒癮,走佬過檔王維基的 HKTV。

捧自己人

闊別大台五年的周海媚, 12年捱義氣回巢拍《神鎗狙擊》,但最後十集被大刪戲份,淪為配角,眼見同劇徐子珊由頭帶到尾,海味決定不再拍大台劇。

溝通不清

作風火爆的吳鎮宇,拍《衝上雲霄 2》時因為助導表達不清晰,累他兜了一小時寃枉路,加上途人用閃光燈拍照要頻頻 NG,鎮宇即場向 PA及圍觀路人開火。



鍾意就快D Share啦!