掃呢頁CODE去手機

2014年10月16日 星期四

[壹週刊 1284] 搞掂一個 富二代狙擊手 唐貝詩車行太子爺嘴晒 唐貝詩,M1,




頻頻換畫的唐貝詩,最近又搭上車行太子爺。

探熱針

搞掂一個 富二代狙擊手 唐貝詩車行太子爺嘴晒

寇鴻萍長女唐貝詩( Lydia)與毛玉萍兒子 Eric Yu拍拖三年分手,被撇的 Lydia甩拖後沉醉夜生活,經常被拍得溝仔甚至傳出斷背。專以富二代為本, Lydia最近又得手!有米新歡姓翁,父親經營車行生意,家族持有過億物業及車位。難得新碼頭有水頭又有款頭,二人孖住到灣仔撐枱腳,情到濃時,當街又攬又錫,唐貝詩熱情放送。

全天候瘟仔

大學畢業後有阿媽打本二千萬搞團購生意,唐貝詩做 CEO,把口就話會專注事業,實則全副精神瘟仔。

「 Lydia同姓翁呢個男仔識咗好耐,不過近排先一齊,人哋老豆開車行係有錢仔;仲有佢父母同 Isabella(寇鴻萍)都好熟,有份撮合佢哋一齊。」知情者透露。

當日約下午三點, Lydia的新歡揸住五十萬白色 Audi,到堅尼地道接女友,泊低車無耐,身穿 T恤短褲水靴的 Lydia落樓,二人先行去合和中心一間西餐廳醫肚,個半鐘食飽,行返去攞車,男方的手,便一直無離開 Lydia條腰。行行吓,更加從後熊抱女方,之後二人在眾目睽睽下當街嘴對嘴。

今次由 Lydia做柴可夫,停燈位時,男方再突擊向女方索吻,非常受落的 Lydia即送上嘴巴,之後開車直駛男友位於寶馬山的寓所。

早個禮拜,二人又出動到紅館睇回歸騷;在紅磡火車站美心快餐買完外賣,再與大班朋友會合,人前與男友沒有太親密動作的 Lydia,之後同朋友操去便利店買零食再入場。

停燈位時,男方突然索吻,二人罔顧交通安全,在車廂激嘴。

行行吓,男方從後突擊,攬實 Lydia。

行街嘴

情到濃時,二人當街嘴對嘴

離開餐廳時,男方視線全程離不開 Lydia,一副嗒糖樣。

日日做司機

要男友當她公主服侍的 Lydia,連日來有新歡日日做柴可夫,隨傳隨到;就算出席活動,男友亦校啱時間,揸車到接她收工,非常貼心。

上週五(十月十日), Lydia出席活動時被問及新戀情,她卻大耍太極:「(你最近有拖拍!)冇呀!(影到你同個男仔嘴晒喎!)冇!唔係我嚟㗎……有冇相睇?」記者遞上證據, Lydia面色一沉,尷尬說:「唔講」隨即拉住細妹唐貝欣走人。

對住男友, Lydia篤手指賣萌。

寇鴻萍經常為女兒搭路,結識有錢仔。

除咗男友,當日 Lydia約埋大班觀音兵傍住去紅館睇騷。

Lydia死口唔認戀情,但細妹唐貝欣睇到家姐當街激嘴相,皺晒眉。

腳踩四吋高踭鞋, Lydia腳震震,男友即借出膊頭讓她做人肉扶手。

有錢仔

Lydia的新歡姓翁,家族經營車行代理私家車及的士生意,有鋪有樓,物業資產市值過億,包括在天后海景軒大手掃入 20個車位,家底豐厚。



鍾意就快D Share啦!