2014年11月4日 星期二

「紐約叻女」童年對性好奇 搞阿妹下體 惹保守人士狂鬧 紐約叻女,BKD_S,Lena Dunham,




【短片】「紐約叻女」童年對性好奇 搞阿妹下體 惹保守人士狂鬧

2014-11-04 02:27:00



其他影片:>>






「紐約叻女」童年對性好奇 搞阿妹下體 惹保守人士狂鬧

美國女星Lena Dunham曾憑美劇《紐約叻女》(Girls)奪金球獎視后,佢一向言論大膽,早前曾經係自傳《Not That Kind of Girl》度自爆08年讀書嗰陣,喺派對飲酒後慘被強姦,外國傳媒就摷番佢喺自傳度,另一啲講自己對性好奇嘅內容出嚟狂鬧。

當年7歲的Lena,原來已問阿媽自己有冇子宮,又望住1歲妹妹Grace個肚問:「咁妹妹嘅子宮似唔似我?」Lena又話阿妹:「有日我砌緊積木,妹妹仲0咿咿哦哦學講嘢,我瞓係佢對腳下面,擘開佢雙腳,一望入去我即時尖叫!又同媽咪講妹妹有啲嘢喺入面!佢踎低睇之後,好快就發現妹妹將6至7顆石春放入去,媽咪小心翼翼咁攞走佢哋。」

有監察傳媒嘅保守網站Truth Revolt引述專欄作家Kevin D. Williamson嘅文章話,呢段文字好可疑,懷疑Lena有份協助妹妹Grace完成惡作劇,又話書中其他內容,亦講到Lena曾賄賂妹妹去錫佢,懷疑Lena不時搞自己個妹。

Lena知道後即刻係twitter還拖:「嗰啲右翼份子話我調戲細妹,實在令人失笑。」又話:「如果你細個從未睇過其他細路嘅下體,就要恭喜你」仲希望大家唔好曲解佢嘅意思喎。







鍾意就快D Share啦!