掃呢頁CODE去手機

2014年12月26日 星期五

[忽然1周 - 1013] 房祖名犯太歲 有排煩 祖名,房祖名,MW,




屬狗嘅祖名,今年初已有師傅講過有機會犯官非,要行事小心,加上同家人緣薄,相處嘅時間好少。估唔到中晒!

媽咪姐

房祖名犯太歲 有排煩

周一( 22日)晚傳出拘留超過 4個月嘅房祖名,以「容留他人吸毒罪」被正式起訴,估計會喺新年後開庭。有法律界人士參考以往嘅判刑,推斷祖名最快可以喺出年 5月返出嚟。

媽咪姐唔識內地法,冇乜嘢可以講,但對命理反而有啲研究。就以 1982年出世屬狗嘅祖名嚟講,出年運程認真麻麻,因為「犯太歲」會遇到阻滯,睇嚟對官司冇乜幫助。佢阿爸成龍出年運程幾好,但衰在今年因本命年「犯太歲」(即係同係馬年),吉凶參半,就咁影響埋家人及同事,要過埋年先轉運。今年兩父子都咁濕滯,風水嘅嘢,真係信不信由你喇!

1954年生肖屬馬嘅成龍,因為本命年犯太歲,上星期拍一場半空跳落地戲失手,撞裂右側第 7條肋骨。連帶身邊人都頻生意外。邪呀!



鍾意就快D Share啦!