網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月18日 星期四

[壹週刊 - 1293] 兵行險着 無綫新城傾唔掂數 容祖兒以退為進扭獎 祖兒,無綫,容祖兒,M1,




容祖兒一向睇重獎項,為靠攏新城,今年八月的「新城國語力頒獎禮」(圖),多位歌手缺席,她獨力撐場。如今新城冇俾面,不讓她在獎項方面獨大,難怪她氣頂玩缺席。

探熱針

兵行險着 無綫新城傾唔掂數 容祖兒以退為進扭獎

陳奕迅打正旗號不出席頒獎禮後,容祖兒也暗示將會與 Eason同步。英皇一姐唔爭獎,實情是公司同新城、無綫講唔掂數有關;據知新城認為 Joey勢頭弱,頂多是跟謝安琪、 G.E.M.叮噹馬頭,至於無綫亦因與英皇關係轉差,不願確保她會十連霸攞最受歡迎女歌手。做唔成獎勵,容祖兒唯有兵行險着,以退為進。

新城攬謝安琪

戰鬥格的容祖兒,一向支持樂壇頒獎禮。「我去得一年少一年,人生係倒數緊,如果我仲去到,我會樂意參加。」

今年八月新城舉行「國語力頒獎禮」,陳奕迅、楊千嬅和鄧紫棋( G.E.M.)全部缺席,一線只有容祖兒撐場,十分俾面;早前她突然公告因為工作檔期要缺席新城頒獎禮,擺明傾唔掂數。

「英皇要 Joey係攞最多獎嗰個,但新城今年要做埋 G.E.M.同謝安琪,話明只可以三個人均分,英皇唔肯,寧願一拍兩散。企到咁硬,係要擺姿態做俾其他台睇,等大家唔使再嘥時間摸底。」知情人說。

新城本來希望謝安琪、 G.E.M.跟容祖兒平分春色,但現在容祖兒缺席抗議,相信謝安琪和 G.E.M.會是大贏家。

度時間去叱咤

英皇旗下歌手不續約無綫,雙方關係愈來愈緊張,容祖兒要在《勁歌》十連霸受阻力,她亦直認是否出席無綫頒獎禮,仍是未知之數。

「其實我冇話唔去頒獎禮,有時間就會去。新城去唔到,商台安排緊,其他都度緊時間。」容祖兒說。

事實上,容祖兒並沒有打算放軟手腳,單是商台,今年已有五首獨唱歌和一首合唱歌派台,單看派台歌數目,便知道公司有意力谷,可惜新歌反應一般,容祖兒要爭女歌手金獎,完成十連金大計,如意算盤未必打得響。

今年王菀之和薛凱琪的樂壇成績不錯,網民睇好她們奪叱咤銀、銅獎。

何韻詩今年表現麻麻,估計與獎項無緣。

安仔和謝安琪相信會在新城頒獎禮重振聲威。

周柏豪今年有七首歌派台,勤力有回報,有望奪叱咤男歌手銀獎。

網民預測

網民大得閒,每年都會自行計算播放率預測叱咤頒獎禮賽果,撇除人為因素影響,絕對有一定參考價值。

2014叱咤樂壇男歌手

金:陳奕迅

銀:周柏豪

銅:許志安

2014叱咤樂壇女歌手

金:容祖兒

銀:王菀之

銅:薛凱琪

2014叱咤樂壇組合

金: RubberBand

銀: C ALL STAR

銅: Dear Jane



鍾意就快D Share啦!