熱爆娛樂: [壹週刊 - 1293] 邱淑貞孻女　許懷欣孖仔鬥百厭許懷欣,邱淑貞,M1,

2014年12月18日星期四

[壹週刊 - 1293] 邱淑貞孻女　許懷欣孖仔鬥百厭許懷欣,邱淑貞,M1,

媽咪玩到冇晒氣，沈星係都要嚟多 round，邱淑貞抖咗陣，再次變身人肉氹氹轉。

同你吟一吟

邱淑貞孻女　許懷欣孖仔鬥百厭

生極都係女嘅邱淑貞，下年 47，要追番個仔恐怕有心冇力，好在有四歲孻女補番數，沈星個樣生得靚又精靈，但偏偏性格同百厭程度都拍得住男仔。

上個禮拜二（十二月九日），邱淑貞帶囡囡去公園玩自動噴泡槍，沈星精力旺盛，舉高雙手撲泡泡，又跳又笑。

玩完泡泡槍，沈星要媽咪抱住佢玩人肉氹氹轉，順時針轉完，再逆時針轉，之後又話要玩單槓，邱淑貞俾囡囡玩咗次就抱佢走，沈星唔肯，係咁掙扎踢腳 fing手。

生女都咁百厭，更何況係有對孖仔許朗、許俊嘅「歌神仔」許懷欣。兩公婆帶孖仔同朋友去中環置地飲 tea，孖仔四圍跑，兩公婆唯有跟住陪跑圈。生女也好，生仔也好，湊細路，同打仗冇分別。