2014年12月2日星期二

14型男兄弟陪接新娘蘇永康緊張忘縮肚蘇永康,

【蘇永康結婚】14型男兄弟陪接新娘蘇永康緊張忘縮肚

2014-12-02 11:42:00

攝影：陳俊強

恭喜恭喜！今日係蘇永康(阿公)迎娶拍拖8年嘅女友Anita拉埋天窗大大喜日子，恭喜恭喜！

今早十點，阿公一班好兄弟包括草蜢、阿臣陳奕迅、梁漢文、張衞健、許志安、歐陽德勛、黃偉文、雷頌德、劉浩龍、吳國敬、王傲山等一早就到洲際酒店準備接新娘。不過安仔就遲到，十一點十五分接新娘，佢就十一點先至到。

一行十四人型仔／佬兄弟團先係以最型姿態大合照，康仔件西裝有啲日式feel，成手戒指繼續潮人打扮，但難掩緊張之色。到佢影單人相時，班兄弟就起鬨嗌佢:「深呼吸，收肚！」影完相又逐一抱抱。

隨後健仔又上花車，扮司機大嗌：「快啲啦，趕收工呀！」大搞氣氛。