2014年12月2日星期二

最令觀眾印象深刻全智賢成最佳廣告模特兒全智賢,

【韓流】最令觀眾印象深刻全智賢成最佳廣告模特兒

2014-12-02 08:20:00

全智賢以15.9%嘅支持率成功奪冠。

全智賢今年年頭憑《來自星星的你》而登上事業高峰，近日佢喺2014年最佳廣告模特兒調查中，以15.9%嘅支持率成功奪冠，而佢同李政宰合作嘅SKT廣告，仲成為本年最令韓國觀眾印象深刻嘅廣告。

緊隨其後就有女團miss A嘅秀智以6.8%排第二名，而金秀賢就以6.7%排第三名，反而以往有幾年時間排第一名、兼連續五年躋身前三名嘅韓國花樣滑冰女王金妍兒，就僅得6.3%支持率位居第四名。

此外，由朴信惠同李鍾碩主演嘅新劇《Pinocchio》上周終於成功鍊贏張娜拉嘅《Mr.白》，奪得同檔收視第一名，噚日劇組就公開新劇照造勢，只見朴信惠喺警局內鬼鬼祟祟咁喺地上爬行，以避開其他人嘅耳目，似乎想偷聽機密咁。

而李鍾碩近日成為LOCK&LOCK嘅內地代言人，據知李鍾碩因本身係內地人氣甚高，為咗針對年輕人市場，廣告商就邀請李鍾碩做代言人，希望以佢人氣推銷產品。