【花姨學嘢】美圖秀秀始祖Cammi 「秀」出3吋事業線！
2014-12-01 23:02:00
講到美圖秀秀功力，Cammi係花姨嘅前輩
最近純美魔女宮雪花，因為「美圖秀秀」，秀出個五次元空間，為咗靚，為咗瘦，真係秀到連條欄杆都彎埋，花姨撒嬌話只係技術未熟，又呻記者唔報佢啲畫拍賣成十萬八萬。
o拿，技術呢啲嘢，真係工多藝熟嘅，花姨雖然比較成熟，但用「美圖秀秀」嘅技巧就唔及一班後生，好似今年19歲嘅謝芷蕙(Cammi)(係，原來佢仲未過20歲!)，同陳冠希流出床照嗰位o靚模呢，用「美圖秀秀」嘅功力絕對達到爐火純青嘅級數。唔知係最近見花姨用「美圖秀秀」都可以搞到滿城風雨，Cammi今日就出手啦!
以長腿聞名嘅Cammi，一直鐘意將自己條腿加長，又喜歡加大眼，所以有時佢放上微博啲相，市民睇完都真係好似去完五次元空間見外星人咁，不過都冇花姨咁誇，最重要係佢冇整彎欄杆嘛。今日Cammi就唔整佢條腿，整上身，大眼V面就係基本動作，不過著住背心嘅佢胸前忽然偉大起來，一個托腮動作，都谷出三寸事業線，不過最奇怪嘅係佢件透到見個白色Bra嘅白色小背心，只係透bra又透唔到佢條3吋事業線，真係神奇!呢啲功力，真係冇玩返一年半載都做唔到o架!
Cammi呢期喺微博都係放下啲遊山玩水嘅相，得閒去下日本相當梳肝，呢啲咪就係P出個未來嘅人辦!
o拿，首先睇返Cammi幾年前個樣先...
床照之後，係咁晒腿
呢張，個身好唔合比例，但你又睇唔到咩破綻，勁。
同朋友個樣都係成個Barbie一樣。
心口忽然胸湧...
大眼V面是指定動作
嘩，著件白色小背心....但點解件衫透Bra唔透線咁奇嘅?
之後仲有3吋事業線，冇破綻，係P定第二度發育?
床照事件後出嚟見人嘅樣
同陳冠希嘅床照流出後一舉成名，當時16歲嘅佢已深明角度的重要性。
花姨呢啲就Fail啦
|
鍾意就快D Share啦！
|
|
|
