長腿菜菜緒峇里開工 比堅尼濕身誘惑
日本長腿模特兒菜菜緒人氣急升，不過成名代價就係被揭整容瘡疤，日前出席綜藝節目時
，就發現佢笑容繃緊，而且鼻樑兩邊仲驚現離奇坑紋，懷疑係接受完整容手術嘅後遺症。
點都好，菜菜緒呢期真係非常搶手，唔止今年參演兩季日劇《First Class》，形象性感嘅佢更加係片約源源不絕，同井上真央合作完《白雪公主殺人事件》之後，夥拍戶田惠梨香嘅新片《April Fools》又會下年4月上映，原來下個月喺日本嘅另一新片《上帝在峇里島》，菜菜緒都有份演出，佢仲到峇里島當地上演一幕香艷落水戲，泳裝上陣盡晒九頭身model身材。《上帝在峇里島》由堤真一、玉木宏同埋尾野真千子合演，菜菜緒今次性感助陣，令呢套戲更加有睇頭！
|
鍾意就快D Share啦！
|
|
|
