【短片】【十足未生過！】26歲神奇張茆生完B 兩個半月火速修身
2014-12-06 19:38:00
神奇茆茆真係冇改錯名，好神奇。由當年啜爆倪震避走離開香港返海口家鄉，學都返唔到同舊情人親密照亦一一曝光，依家呢，嫁老外K先生仲生埋囝囝囝囝Omi，轉眼依家已經兩個幾月大。
張茆不時在微博分享湊仔經，今日佢又上載Omi精靈趣緻生活照。張茆指媽媽不易當，昨午花了一小時才令愛兒入睡，方便她進行產後瘦身大計，她在跑步機上跑了5公里後留言說：「Omi哄睡後，衝出去跑步，告訴保姆姐姐Omi一哭就打給我，還好回來後Omi還在睡，有種賺到了的感覺。」
茆茆仲話，依家要開始減重保奶嘅飲食餐單，而佢嘅目標，係希望明年夏天就去番之前嘅體重，依家就靠冬天衫遮肚。不過呢，26歲嘅茆茆真係得天獨厚，本身已經瘦底，做埋自己網上時裝店生招牌絕無問題；估唔到生完兩個幾月已經收晒水，面珠、手臂同美腿同生B之前一樣，係爭在個肚仔見唔到減咗幾多，少女味陣陣飄來，直頭就好似未生過一樣，拍得住索爆人妻陳慧琳。
茆茆修身之道，除咗跑步，仲有就係著哺乳內衣同收腹帶，仲話:「抓緊生產完後的幾個月，不要偷懶好好努力，當然沒有什麼神器可以讓你瞬間變瘦，運動還是要有的，媽咪們共勉之。」至於一度升cup嘅34C咪咪依然堅挺。係咪好羨慕呢？
全部都係新相…張茆生完B之後，同未生過一樣!
懷孕升cup
做生招牌…一雙長腿，好slim！
少女味
茆茆推介嘅收腹帶
狂做gym，bye bye肉都冇晒。
似乎肚腩仔都冇埋
茆茆的午餐
呢個BB pat pat，唔使打格啦。
|
鍾意就快D Share啦！
|
|
|