41歲孫佳君箍實法廚 攤梳化纏綿再大戰48粒鐘
2014-12-10 11:29:00
41歲嘅孫佳君，即使已經唔係後生女，仲有兩個仔，09年同富貴男友劉貴喬分埋手，但一樣都係咁索，仲再戰江湖，簽埋經理人公司重投幕前。不過孫佳君浮沉影圈咁多年，距離爭影后仲有一大段路。與其係咁，
搵番個另一半仲實際得多。難怪早排俾記者影到眼腫腫，原來係因為啱啱打完眼部去皺針，扮靚啲食仔嘛。
自從同富貴男友分手之後，孫佳君可謂dry足五年。幸好四個月前終於搵到第二春——現年35歲嘅三粒星米芝蓮大廚Olivier。話明係米芝蓮大廚，孫佳君亦深諳食色性也之道，知道點樣可以箍實個男人。今日有周刊報道影到，孫佳君為咗令呢段姊弟戀keep住咁hot，日前更公然喺餐廳公眾地方纏綿。
當日孫佳君化行妝、一副戰鬥格，自動「人肉速遞」到男友任職嘅銅鑼灣一間法國餐廳。其實本來可能只係食個dinner。但隊足五支香檳，食埋支煙，就開始嚟料喇。一開波只見Olivier舐完孫佳君耳仔再舐面，撻著孫佳君之後兩個就埋位咀唔停，flap flap聲伸晒脷，仲見到男方隻手有所行動……喇。
未幾劇情已經進展神速，孫佳君索性攤喺梳化度，Olivier就烏低身……咪住先，唔好唔記得，呢度係餐廳唔係屋企，所以Olivier極其量都只係可以箍實孫佳君狂咀，但無理由咁就算0架，之後梗係返屋企兩個拍拖去攞車，孫佳君揸架價值120萬嘅Benz，載住男友返自己位於山頂甘道嘅寓所，引「郎」入室，密會48小時冇出過門。
|
鍾意就快D Share啦！
|
|
|
