[FACE - 394] 超雲平民裝買平價貨 超雲,MF,

一件白 tee牛記，再抽埋個超市籃，成個 look同街坊冇乜分別。

全知言

超雲平民裝買平價貨

千金小姐唔一定剩係買貴嘢，好似何超雲咁，上星期全知言就喺銅鑼灣行街時撞到佢，當日超雲冇扮彩雀，只係一件白 tee加條牛仔褲嘅平民 look排緊隊畀錢，全知言梗係埋去吹水，原來佢買緊聖誕飾物，乜呢啲嘢唔係屋企啲工人做㗎咩，點知超雲話：「見到靚咪買囉。」仲畀全知言睇全袋都係啲百零蚊貨仔飾物。着得好低調，但瘦咗兩個碼嘅超雲好似仲索咗，所以話靚唔一定要浮誇嘅！

化咗個淡妝出街的超雲當日心情靚靚，仲騷埋俾全知言睇啲戰利品，都只係啲平價貨仔。

鍾意就快D Share啦！

下一篇 》