掃呢頁CODE去手機

2014年12月10日 星期三

[FACE - 394] 鬥衰 騎賭廳猛人 𡃁模圍插影衰 舊拍檔數臭 Amy:鍾意搞核突嘢 Amy,艾美琦,MF,




王璐瑤介紹 Amy一齊去菲律賓拍廣告,點知就連自己老闆都被 Amy騎咗上大髀。

真面目

鬥衰 騎賭廳猛人 𡃁模圍插影衰 舊拍檔數臭 Amy:鍾意搞核突嘢

做唔到 Angelababy、周秀娜級數,𡃁模搵食都仲有好多方法。好似前 AD2成員 Amy艾美琦,原本同王璐瑤去菲律賓拍賭場廣告,竟然變咗做陪賭女,之後仲脫剩內衣坐埋老闆大髀。

Amy搏到盡,同行的王璐瑤大呼委屈仲話:「畀佢累到雞毛鴨血。」其他同行亦話 Amy影衰哂。前拍檔 Aily吳婕妤仲話:「佢愈來愈鍾意攪啲核突嘢,邊有人做呢啲嘢咁高調㗎!」係囉!都話廣東人生存方法有好多種

喺低俗騎呢出晒名嘅 Amy艾美琦,上週五被爆早前喺菲律賓為賭場拍廣告期間,竟然不惜坐原本冧開王璐瑤嘅賭廳老闆柳哥大髀。自己老闆畀人搶咗,王璐瑤到𠵱家仲扯火:「冇話搶唔搶,老闆仲有好多個,但我要同成班女仔澄清,我哋成班女仔好認真咁做嘢,但估到佢做埋啲唔正經嘅嘢,真係唔關我哋事囉,驚人誤會我哋!原本有套合家歡電影搵我,𠵱家可能換人,我畀佢累到雞毛鴨血。」

累街坊

王璐瑤話去菲律賓係認真工作,她說:「𠵱家成班女仔,就畀佢累死喇,人家以為我哋去做咩嘢。」

Amy被拍得坐賭場話事人柳哥大髀,佢事後話:「後生仔女係咁玩㗎角度問題啫!」

《忽然 1周》圖片

王璐瑤同 Amy就係為咗呢個網上搏彩公司拍宣傳片,點知 Amy叻得滯冧掂埋個老闆。

「我係玩得癲啫!」

哂,同樣愛出位嘅黃榕亦全力抽擊:「畀佢影衰哂!如果要坐到老闆大髀我自己做唔出,我寧願辛苦啲工作。」同佢一齊合作過嘅仙樂都亦急劃清畀綫。她說:「我哋好耐冇聯絡,有時啲嘢要面皮夠厚先做到,我係佛教徒唔會做啲咁嘅嘢。」

行家插爆,連前拍檔 Aily吳婕妤更話後悔同佢做拍檔。她說:「佢愈來愈鍾意攪啲核突嘢,鍾意自己呃自己。邊有人做呢啲嘢咁高調㗎?我仲後生要嫁人,真係接受唔到佢。」面對同行圍攻, Amy相當淡定,她說:「我唔係嗰啲人,我係玩得癲啫。後生仔女出去玩係咁㗎啦。我冇搶 LuLu老闆,其實大家搵食啫,佢哋想上鏡咪由佢哋講囉。大家係同行,大家知大家事。」反客為主補時入球,做呢行最緊要面皮厚囉!

Amy話自己喺大陸登台唱歌居多,她說:「我𠵱家 2萬唱 3首歌,一個月都會上去 4、 5次。」執唔少啦咁!

網上圖片

Amy夜場嘅海報相當性感,不過佢話:「我上台着得好密實㗎,唔知點解啲海報會咁。」至於所謂《女神》電影女主角, Sorry!乜有呢部戲咩?

網上圖片

Amy成個微博大部分係性感相,頂到 5分鐘話你勁!

Amy撈得掂,𠵱家仲有兩頭住家,其中一頭仲係 5萬月租土豪最愛尖沙咀名鑄,她說:「名鑄嗰邊唔養得狗,我咪惟有住兩邊囉。」

網上圖片

網上圖片

真係冇朋友

舊拍檔  Aily

如果佢真係咁好搵,我咪恭喜佢囉。邊有人做呢啲嘢咁高調㗎?

行家 黃榕

我覺得好 cheap,接受唔到自己咁去賺錢,我寧願辛苦啲工作。

合作過 仙樂都

做呢啲嘢嘅女仔見過啦,有幾多個女仔有錢剩到㗎。

廣東人宣傳好多計

Amy今次被拍得坐老闆大髀,其實由上年7月出道至今, Amy為出位無所不用其極,露暈,扮 les,就連自拍淫片都有。真係唔知佢仲有咩新招。

今年7月網上流出6分鍾淫片。事後 Amy直認為當事人,拍片目的為討好當時男友。

網上圖片

同舊拍檔喺書展期間,雖然當時仍未出寫真,但二人喺灣仔天橋當場亙咀。

《蘋果日報》圖片

見拍擋 Aily喺《喜愛夜蒲3》記者會上露暈有市, Amy喺之後活動不止一次露暈成功搶鏡。



鍾意就快D Share啦!