深明僱主需要，所以 Barbie都會派親筆簽名照，仲送埋自家製「谷咪」咕𠱸！抵用㗎！
真面目
多條魚 《美人魚》帶挈接夜場騷 Barbie谷咪咕𠱸執 5萬
為咗可以喺星爺套《美人魚》撈到一角，「寸嘴 Barbie」夏尉喻拍片扮美人魚兼騎呢亂 rap，雖然怪招出盡都係無助賽果，好彩 Barbie最終都得到星爺賞識，有份扮其中一條美人魚。
雖然只係閒角一條，但靠《美人魚》個朵，已令 Barbie接騷接到手軟，早前去到內地夜場掘人仔，仲好識做派埋自家製嘅「谷咪」咕𠱸。 Barbie好興奮咁話：「最近多咗好多機會去唔同地方做商演！」「周星馳」三字值萬金！
之前「寸嘴 Barbie」夏尉喻一向博出位唔留力，之前喺《喜愛夜蒲 3》半裸兼肉搏大隻仔吳雲甫，之後在星爺新戲《美人魚》選拔，一向積極進取出盡所有法寶，最後成功覓得一角。
強國客最冧
據知多得《美人魚》帶挈， Barbie除知名度高咗外，同時亦多咗登台機會，騷價更雙倍升幅！最近 Barbie更去到韶關夜場唱騷，全晚輕輕鬆唱 4首歌已經穩袋 5萬，自知米飯班主要冧掂，所以 Barbie好識做喺台上派親筆簽名相同自家製「谷咪照」咕𠱸，現場強國男開心晒！
上週五（ 5日），本刊致電 Barbie，她說：「最近好開心，多咗好多機會去唔同地方做商演！佢哋都好熱情，好鐘意我送嘅咕𠱸㗎！（擔心安全問題？）每次去登台都有十幾個保鑣圍住我，我同人群都接觸唔到，所以都好放心㗎！」有錢搵，驚咩啫！
究竟有幾多條美人魚？
星爺新戲《美人魚》嘅角色，人人爭餐死，不過名額有限，最終都只係得 5個人可以入圍，不過至今各人嘅角色仍未有定案，根據星爺以往飄忽做法，究竟乜人做乜角色，仍然係一個謎！
《美人魚》賽前，城城緋聞女友 Kabby係大熱兼香港區票后，賽後同樣冇令網民失望，有份參演一角，雖然只係影壇新人，不過下月又有新作品《小姐誘心》出街，拍住周柏豪有激情演出，實力不容忽視。
|
鍾意就快D Share啦！
|
|
|
