全城熱爆的娛樂八封新聞 & 時事趣聞 & 生活 + 趣聞
好快就到聖誕節，呢個普天同慶嘅日子，亦係情侶分手嘅高危日！雖然分手同生離死別一樣，都係人生必經，之不過分手都要講技巧，求其講個理由敷衍對方，分分鐘激嬲佢，摑你幾巴洩憤就老土
最唔鍾意嘅分手理由係「你好悶！」因為咁樣講即係代表係我錯，但兩個人分開絕對唔應該係一個人嘅問題，雙方都有錯！
最討厭嘅分手理由係「我唔係唔愛你，而係覺得我已經冇咁愛你喇！」 What the fxxk！
最討厭聽到分手時話「你對我太好！」男仔初時欣賞你對佢好，但分手時就嫌你對佢太好，咁究竟對一個男仔好，係好定唔好呢？
我最唔想聽到係：我對咗你太耐，冇晒感覺！個人覺得呢句係廢話，因為你對住父母都好耐、好多年，但又冇見過你會同佢哋話，由於呢段關係太長，所以要脫離父母關係囉！
最討厭嘅分手理由， simple as it is，係第三者！因為愛一個人要有信任，要有愛， cheating係絕對唔可以原諒！
翁生 性格不合 性格不合！係藉口，都曾經遇過，當時好嬲㗎！
譚生 第三者 最唔鍾意當然係聽到有第三者！每個人都唔鍾意有第三者
KAREN 冇時間 冇時間！其實只有你肯付出，就唔會冇時間囉！
EVITA 家人反對 屋企人反對！兩個人嘅感情同屋企人無關，擺屋企人上枱根本唔係理由！
