酒井騷前狀態大勇 拍性感寫真造勢
2014-12-23 09:25:00
酒井開騷前狀態好幾啵﹗
日本女星酒井法子自從爆出毒案後，演藝事業一沉不起，撈來撈去都冇乜起色，一項網民選出嘅80年代不老偶像排行榜，小泉今日子就大比數拋棄松田聖子同埋中山美穗成為冠軍，至於酒井？直情十大不入呀陰公！
最近，酒井就為平安夜舉行嘅晚餐騷作好準備，到時會喺fans面前大唱昔日經典金曲，經日前公開完綵排情況後，佢仲為當地雜誌拍攝內頁寫真。
雜誌《週刊Post》曾經爆過唔少酒井嘅衰嘢，不過酒井為咗宣傳自然乜仇都唔記得，罕有地幫呢本書拍攝充滿美感嘅寫真，今次唔少晒腿，酒井仲露出玉背，有網民就大讚輯相執到連一條縐紋都冇，而佢背脊同埋腳上嘅紋身當然被消失
|
鍾意就快D Share啦！
|
|
|
