【短片】【爺孫戀復現？】林建名何傲兒齊現身馬場 被鍾偉強集郵
2014-12-23 02:38:00
林建名同何傲兒早前曾出轟動嘅「爺孫戀」，最後因為周子揚介入告終，而何傲兒亦同周子揚一時又話分手一時又無啦啦俾人影到照樣外遊行街，真係好撲朔迷離。
以為佢兩個會避嫌?但有網友發現兩喺上周日齊齊現身沙田馬場，更分別同曾經參加《中國好聲音》嘅香港歌手鍾偉強合照，仲俾鍾上載到微博。記者致電林建名，佢直認有同傲兒喺馬場見面：「佢嗰日做東華盃，我喺出面賽馬，係鍾生搵我影相。」記者笑問唔怕同傲兒再傳緋聞？佢話：「你哋鍾意誤會都冇辦法，同佢都好少見，佢爹哋就有同我打理隻馬。」
問林建名有冇八卦傲兒同周子揚密遊首爾，佢即笑言：「我唔知佢有冇拖拍，你問佢，我唔八卦，如果八卦又以為我追佢。」
早前林建名何傲兒傳出爺孫戀，轟動全城。 (資料圖片)
上星期日鍾偉強喺馬場見到何傲兒。
同時又見到林建名喎，林建名就承認呢日同傲兒見過面。
|
鍾意就快D Share啦！
|
|
|
