| G.E.M.今年無歌所以無預計出席頒獎禮，因同澳門騷撞期結果趕船搞到遲大到。 | next 1/1 pre |
 | |
| 無歌擸四獎嘅G.E.M.成為慶功宴上的採訪焦點。 | next 1/1 pre |
 | |
| 新城台長朱明銳等埋G.E.M.到場先至開始大合照，受寵情度可見一斑。 | next 1/1 pre |
 | |
| 對於是否實至名歸，G.E.M.表示不會考慮，只希望用歌聲去感動人。 | next 1/1 pre |
 | |
| G.E.M.對於連番遲到表示歉意。 | next 1/1 pre |
 | |
| G.E.M.送上親手做的曲奇餅作補償禮物。 | next 1/1 pre |
 | |
| G.E.M.大晒白滑玉背。 | next 1/1 pre |
 | |
| 許志安（左起）、鄧紫棋及謝安琪均奪四獎成為大贏家。 | next 1/1 pre |
 | |
| G.E.M.努力演出。 | next 1/1 pre |
新城頒獎禮為了遷就趕船回港的G.E.M.，結果凌晨12時半才結束，一眾歌手即趕到九龍灣出席慶功宴，豈料G.E.M.再次姍姍來遲，凌晨1時45分才現身，比其他歌手足足遲了45分鐘！
一向寵她的新城台長朱明銳特地等G.E.M.到場後才開始大合照儀式，銳哥更在台上話：「依家係一點四十五分，仍然有好多朋友喺到，感受到好多人支持勁爆頒獎禮。」
邊個攞獎我都會好尊重
而阿G.E.M.受訪時表示幸好趕得及搭船回來，開心奪得4個獎，非常珍惜，問道容祖兒缺席是否令她奪獎機會更大？她說：「唔好去定義獎背後嘅定義，祖兒、Eason啲歌我中學都成日聽，佢哋以前攞咗好多獎代表咗好多努力，無論邊個攞我都會好尊重。」
她又表示對獲得4個獎感到意外:「其實我今年係冇歌，今日我都幾意外受邀請嚟新城頒獎禮，因為今年我比較多時間喺比賽同做concert，今日係一個bonus。」
遲到送曲奇補償
問到要其他歌手等她會否不好意思？她說：「其實頒獎禮未完嘅時候我已經嚟咗，用最快速度，如果令大家等得耐咗我都唔好意思。（慶功宴呢？）我一完咗就嚟啦。」但講到她最遲現身和遲足45分鐘，她即問工作人員：「係咩我唔知呀，點解我哋遲咗嚟嘅？我落咗台就返房執個妝，跟住就執嘢嚟。（你比其他歌手遲咗成45分鐘喎。）45分鐘？sorry！我都唔知可以點補償，但我整咗啲曲奇比大家，整咗260塊，盡量希望見到就分比大家。」
無歌有獎唔想尋根究底
講到其他歌手為了等她而被迫在台上拖延時間，她尷尬表示：「咁嚴重？我喺澳門個表演，一早已經定咗，今日（昨日）好準時開騷同完騷，然後即刻趕去碼頭。（新城每年都係26號舉行。）因為今年我冇歌，無諗過仲可以去到頒獎禮，無諗住會受到邀請。（冇歌都有四個獎？）呢個要問銳哥。（你唔好奇？）感恩多過想尋根究底。（會否覺得你的獎非實至名歸？）我覺得實唔實至名歸，都唔係要去肯定嘅一樣嘢。作為歌手最緊要係用歌去感動人，唔係取悅人，所以我趕返嚟都唔係為咗啲獎，因為我有機會表演，所以我好珍惜。」
缺席餘下頒獎禮
問她會否出席其他頒獎禮？她指將全數缺席，她先指叱吒未有邀請她，但否認因曾和該台結怨：「唔係仍然不和，我冇歌點會收到邀請。（另外兩個呢？）港台有邀請我但我去唔到，我都覺得好唔好意思，本來有一part表演係致敬環節好想做，但我撞咗時間唔喺香港 ，唔係搭船可以返到嚟嘅地方，係要搭飛機，無綫嗰個我就開緊concert。」
|
鍾意就快D Share啦！
|
|
|