熱爆娛樂: [忽然1周 - 1015] 父女完約港視　黃日華靠自己𢱑job養黃日華,港視,MW,

2015年1月9日星期五

[忽然1周 - 1015] 父女完約港視　黃日華靠自己𢱑job養黃日華,港視,MW,

上周五（ 2日），黃日華單拖現身經常出沒的九龍城，笑住向記者透露太太現時的健康十分理想，自己就要周圍走北上搵真銀。

娛樂喧

父女完約港視　黃日華靠自己𢱑job養

港視於去年 11月以網上電視及購物平台形式開台，縱使劇集質素及演員陣容贏盡口碑，惟公司暫無意再開劇。近月港視藝人亦陸續約滿，當中黃日華已經變回「無主孤魂」，而囡囡黃芷晴亦將於 5月完約。

身為家庭支柱的華哥不單要應付家中日常開支，亦要擔起正在癌病康復期的太太梁潔華養病的費用。據知近日他靠自己接了不少內地工作，又親自出面跟內地製片會面，為自己和女兒斟洽拍劇機會。日前他向本刊記者坦承說：「最近要周圍走做嘢！」看來要擔起頭家真不容易！

其他影片：>>港視唔肯開劇　黃日華靠自己𢱑job養家

昔日無綫五虎之一的黃日華，理應與大台關係密切，不過因 2010年他有份擔正的台慶劇《刑警》不獲重視，華哥炮轟大台「大細超」，台慶夜由《公主嫁到》及《義海豪情》分庭抗禮，《刑警》則被隱形，雙方關係因而破裂。即使如今黃日華與港視已完約，返大台機會亦微乎其微。

華哥女兒黃芷晴與港視合約不出半年屆滿，對於續約她表示十分被動。不過大學時主修設計的她，早前成立自己的手作品牌「 Oh My Deer」，準備開發一條新出路。

《蘋果日報》圖片

阿女做設計生意

華哥與港視的合約屬部頭形式，港視遲遲未見復拍劇集，手停口停的華哥當然受影響。知情人士指：「華哥講到明唔鍾意藝員約綁死晒，所以佢同港視係簽部頭約，港視唔開劇佢就冇收入。而佢囡囡嚟緊 5月都約滿，即使未約滿，佢都冇劇拍，好彩囡囡有做手作仔生意，仲有啲收入。不過依家華嫂療養都要使錢，所以華哥都惆悵㗎，惟有辛苦啲北上搵人仔幫補。」記者亦問過黃芷晴，她說暫時不太擔心前路：「同公司續唔續約我好被動，要睇佢哋嘅決定同方向。不過呢排我自己都有啲設計嘅 project做，暫時唔擔心嘅！」

五虎之一的華哥大俠形象深入民心，不少九龍城的街坊見到大俠出巡，爭相求合照。華哥亦相當親民，可謂有求必應。

合照任務完成，華哥終於可以做自己事，行入藥房購買所需的日用品及藥物。

華哥拿着一大袋藥品離開，見到記者時即面帶微笑打招呼，看來老婆病癒，放下心頭大石的他心情十分好。

向志偉謀後路

華哥太太梁潔華前年發現患上血癌，經過大半年治療後戰勝癌症。療養中的她不時與老公及囡囡一家三口行街，享天倫樂。《蘋果日報》圖片

據知近日黃日華無論內地大小活動都接得就接，一星期來回中港至少兩三次。此外他亦私下相約內地製片人，希望為自己和女兒謀求拍劇機會。「華哥以前啲劇套套做主角，喺內地知名度都算高，所以內地公司俾佢個價都唔低，十萬八萬一個活動走唔甩。佢都算搵到嘅，不過就要成日中港兩邊走囉。其實華哥梗係想貼身照顧老婆，但為頭家冇法所以佢都有同志偉傾過，睇下佢嗰間經理人公司『愛好娛樂』有冇好路數囉！」知情者說。

黃日華：太太好健康

華哥當年與大台鬧翻，與近期自組經理人公司的曾志偉份屬老友，有指他曾與老友密斟，希望為自己和女兒謀後路。《中新社》圖片

上周五（ 2日），華哥冇工開難得在港，就專登到九龍城為屋企張羅日用品及藥物。雖然在港冇開工已有一段日子，但人氣未減，其間不少途人雀躍上前要求合照，華哥亦冇托手踭，相當親民。

事後本刊記者上前與他做訪問，他亦願意透露太太近況，笑笑口說：「佢好開心呀，依家好健康呀！（港視唔開劇，工作上你有咩打算？）其實呢排我都好忙呀，最近都要周圍走做嘢。」言談間亦坦承北上搵真銀，雖然相對辛苦，但隨時搵得多過留港拍劇。