全城熱爆的娛樂八封新聞 & 時事趣聞 & 生活 + 趣聞
喺電影《雛妓》又激戰又爆粗，阿 Sa真係瞓身演出，依家攞到「澳門國際電影節」影后，係時候要慶祝但係陳偉霆表態未先？
恭喜晒阿 Sa呀！前幾日又喺澳門攞咗影后，真係叻女。之但係媽咪姐去到左望右望，都唔見佢男友陳偉霆，嗰刻仲以為佢同媽咪姐班姊妹咁，因為同名同姓喺「名單」入面，入唔到境㖭。
講笑啫！但陳生過咗咁多日，真係冇喺網上公開讚女友，只係話自己喺大陸拍嘢，好忙喎！查實拍咗咁多年拖，大家都知佢哋嘅關係㗎啦。公開鼓勵吓女友都好正常，又使乜低調呢！況且依家大家都識陳偉霆，襯得起影后有餘呢。
阿 Sa攞獎後，多謝完拍檔任達華冇耐，好姊妹阿嬌就留言恭喜佢。但男友陳偉霆，咁多日嚟都冇出過聲，點解呢？
長駐大陸嘅陳偉霆，喺阿 Sa攞獎嗰陣，忙住準備出騷。仲要俾咁啱同場嘅「宇宙 G.E.M.」集郵喎！
冇男友喺身邊，阿 Sa咪搵愛犬陪佢囉。仲話自己係「粉紅色的一家」，特登襯晒色。又幾 cute喎！
